Þjálfarar SR íshokkí

SR íshokkí hefur á að skipa mjög færum og reynslumiklum þjálfurum ásamt aðstoðarþjálfurum af yngri kynslóðinni.

Daniel Kolar
Þjálfari meistaraflokks karla
Daniel tók við meistaraflokki karla fyrir tímabilið 2018-2019 en síðustu ár hefur hann spilað í vörn Esjunnar. Daniel er 34 ára gamall Tékki og hefur búið á Íslandi síðan 2007 er hann hóf að spila með SR. Hann er giftur íslenskri konu og eiga þau saman einn son.

Jouni Sinikorpi
Þjálfari Reykjavíkur, sameinaðs liðs meistaraflokks
kvenna hjá SR og Birninum.
Jouni er 31 árs Finni frá Helsinki. Hann byrjaði í íshokkí 4 ára gamall og hefur spilað með EVU, Jokerit og Kiekko-Vantaa. Meiðsli um tvítugt urðu til þess að hann þurfti að leggja leikmannaferilinn á hilluna – en þá fór hann strax út í þjálfun. Jouni flutti til Íslands í haust ásamt konu sinni sem er þjálfari hjá listskautadeild SR.

Miloslav Račanský
Yfirþjálfari yngri flokka SR
Milos er 25 ára gamall Tékki sem flutti til Íslands fyrir fimm árum til að spila með SR. Síðasta vor var hann ráðinn í starf yfirþjálfara barnastarfs hjá félaginu en árin áður hafði hann þjálfað 3. flokk SR með góðum árangri. Ásamt því að stýra barnastarfinu gegnir Milos lykilhlutverki í meistaraflokki karla og er annar tveggja landsliðsþjálfara Íslands í U18.

Ómar Freyr Söndruson
Aðstoðarþjálfari yngri flokka SR
Ómar er 18 ára gamall Reykvíkingur, leikmaður með 2. flokki og meistaraflokki SR. Ómar hefur átt sæti í U18 landsliði Íslands undanfarin ár.

Sölvi Freyr Atlason
Aðstoðarþjálfari yngri flokka SR
Sölvi er 18 ára gamall Hafnfirðingur, leikmaður með 2. flokki og meistaraflokki SR. Sölvi hefur spilað með U18 og U20 landsliðum Íslands undanfarin ár.

Andri Freyr Magnússon
Þjálfari Íshokkískóla SR
Andri er 34 ára gamall Akureyringur sem búið hefur í Reykjavík undanfarin ár. Andri tekur vel á móti öllum þeim sem byrja æfa hjá félaginu – hann gerir það reyndar svo vel að erfitt er að fá krakkana til að yfirgefa Íshokkískólann og færa sig upp í sinn flokk.

Guðlaug Ingibjörg Þorsteinsdóttir
Þjálfari Íshokkískóla SR
Gulla er landsliðskona í íshokkí og með Bs.C gráðu í íþróttafræðum frá Háskólanum í Reykjavík. Hún hefur þjálfað bæði hjá Skautafélagi Akureyrar og Skautafélagi Bjarnarsins við góðan orðstír. Gulla hefur verið markmaður í A-landsliði kvenna undanfarin ár.

Josh Popsie
Markmannsþjálfari SR
Josh er 29 ára gamall Bandaríkjamaður sem búið hefur á Íslandi í tvö ár. Hann hefur reynslu af íshokkíþjálfun iðkenda á öllum aldri frá heimalandi sínu en hann þjálfaði meistaraflokk karla tímabilið 2017-2018. Hann var einnig aðstoðarþjálfari A-landsliðs karla árið 2017.

 

Instagram SR-íshokkí

  • Það er ávísun á spennandi og skemmtilegan leik þegar SR og Björninn mætast - leikurinn í kvöld var engin undantekning. 
Eins og í hinum viðureignum okkar í vetur réðust úrslitin ekki fyrr en í blálokin. Þurfti til framlengingu til að ná fram úrslitum en Patrik Podsedníček skoraði gullmark eftir eina mínútu og 19 sekúndur og tryggði okkur þar með sigur.
Mörk SR:
Bjarki Reyr (stoðs. Miloslav Racansky og Robbie Sigurdsson)
Andri Freyr (stoðs. Styrmir Steinn Maack)
Patrik Podsedníček (stoðs. Andri Freyr og Robbie Sigurdsson)
Styrmir Friðriksson (stoðs. Sölvi Freyr og Patrik Podsedníček)
Miloslav Račanský (stoðs. Robbie Sigurdsson)
Miloslav Račanský (stoðs. Patrik Podsedníček og Robbie Sigurdsson)
Gullmarkið
Patrik Podsedníček (stoðs. Sölvi Freyr)
Arnar Hjaltested varði 29 skot í markinu.

Nánar

Nýjast frá IIHF