Skautaskóli listhlaupadeildar

*Skráning hér*

Skautaskólinn er fyrir byrjendur og styttra komna á aldrinum 5-10 ára.

Á laugardögum bjóðum við börnum sem verða 3ja ára á árinu til 4 ára  að mæta á stutt námskeið til að læra að byrja skauta.

Unglinganámskeið eru haldin fyrir krakka á aldrinum 10-18 ára sem vilja byrja að læra að skauta og/eða hafa lært aðeins áður.

Nýtt miðannar námskeið í Skautaskólanum mun hefjast laugardaginn 7. mars.
Önninni lýkur 17. maí með vorsýningu sem allir taka þátt í.

Í Skautaskólanum er lögð megináhersla á að læra helstu grunn- og undirstöður íþróttarinnar.  Við leggjum áherslu á að hafa æfingarnar skemmtilegar og fjölbreyttar og í leiðinni krefjandi. 

Umsjónarþjálfarar skautaskólans eru Herdís Birna og Emilía Rós.

Fyrirkomulag æfinga

Skipt er í litla hópa á svellinu eftir aldri og getu.

Kennt er tvisvar sinnum í viku, á miðvikudögum og laugardögum.  Hluti æfinga fer fram á ísnum og hluti á gólfi.

Börnin fara í upphitun þegar þau mæta, svo er ístími í 45 mín. og eftir hann fara þau í afísæfingar (t.d. teygjur) á gólfi í 15 mín., á milli er góður tími gefinn til að fara í  og úr skautum.
Það er mjög mikilvægt að krakkarnir mæti í upphitun og afís svo þau lendi ekki í meiðslum á æfingum.

Miðvikudagar

Skautaskóli:
Mæting: 17:15 – 19:00

——————————————
Laugardagar

Skautaskóli:
Mæting: 11:30- 13:15

—————————————–

Skautaskóli 3-4 ára.

Laugardagar

Mæting: 11:30 – 12:30

Alltaf er gefinn góður tími til að klæða sig í og úr skautum milli æfinga.

Mæting: Bendum á að mjög mikilvægt er að börnin mæti í upphitun þar sem ekki er gott að fara kaldur inn á svellið að skauta, iðkendum gengur betur að skauta eftir að hafa hitað upp og auk þess sem það dregur úr hættu á meiðslum að fara vel heitur inn á svellið. Vinasamlega mætið tímalega þannig að börnin séu tilbúin þegar upphitun hefst. Eins er mikilvægt að mæta í æfingar eftir ístímana  en þar eru oft gerðar æfingar sem eru svo yfirfærðar yfir á æfingar á ísnum. Eins er nauðsynlegt að gera liðleika- og styrktaræfingar til að ná árangri í skautaæfingunum.

Fatnaður: Mikilvægt er að börnin mæti í viðeigandi fatnaði í skautaskólann, góðar buxur sem gott er að hreyfa sig í, t.d. flísbuxur (bannað að vera í gallabuxum og/eða ökklasokkum). Góð flíspeysa yfir hlýjan bol er oftast nóg fyrir þau og vettlingar eru nauðsynlegir. Gott er að hafa buff undir hjálminum. Passið að dúða börnin ekki um of, þau þurfa að eiga gott með að hreyfa sig, þeim er oftast ekki svo kalt á ísnum þar sem þau eru að hreyfa sig og fara heit inn á eftir upphitun. Iðkendum þykir oft þægilegast að vera með sína eigin hjólahjálma á ísæfingum.

Ýmsar upplýsingar fyrir skautaskólaforeldra:
Foreldrahandbók Skautaskólans

Verðskrá sem gildir fyrir námskeið sem hefjast 7. mars:

  • Verð fyrir í  skautaskóla er 29.500 kr. 2 sinnum í viku en 15.000 kr. 1 sinni í viku.
  • Innifalið eru:
    • Kennslutímar
    • Lán á skautum og hjálmi
    • Skautanælur vegna regnabogaprófa
    • Iðkendagjald til Skautasambands Íslands
  • Allar skráningar og greiðslur fara fram rafrænt – sjá HÉR

Ef  nota á frístundastyrkinn þá þarf að skrá sig inn með Íslykli inn á skráningarsíðuna eða rafænum skilríkjum  og síðan haka við í reitinn frístund og ákveða upphæð.  ATH! ekki fara inn á Rafræna Reykjavík og úthluta styrknum þar, aðeins inn í skráningakerfinu. Frístundastyrkurinn þarf að koma fram til lækkunar á gjaldinu inn í kerfinu áður en þið gangið frá greiðslu á eftirstöðvum ef einhverjar eru. Félagið getur ekki kallað fram frístundastyrkinn til að lækka greiðslu, forráðamenn verða að gera það sjálfir.

Hér er hægt að nálgast leidbeiningar-forradamanna um innskráningu.

Æfingagjöld eru ekki endurgreidd ef iðkandi hættir, nema vegna veikinda eða meiðsla til lengri tíma, og þá þarf að skila inn læknisvottorði á skrifstofu SR -listhlaupadeildar.

Dagsetningar sem falla niður vegna móta:

Laugardagurinn 25. janúar fellur niður vegna RIG á listskautum.
Laugardagurinn 1. apríl fellur niður vegna hokkímóts
Laugardagurinn 11. apríl er páskafrí
Dagana 18., 22. og 25. apríl falla niður æfingar vegna HM í hokkí

Athugið að við útreikning æfingagjalda er búið að taka inní þær dagsetningar sem falla niður.

Til að fá nánari upplýsingar, sendið póst á ritari.lsr@gmail.com eða gjaldkeri.lsr@gmail.com.

Skráðu þig á póstlistann!