Námskeiðin verða í júní, júlí og í ágúst eins og hefð er fyrir, og er fyrir alla krakka á aldrinum 4 til 11 ára. Staðsetning námskeiðanna er í Skautahöllinni í Laugardal.

Námskeiðin samanstanda af:
Kennslu í grunnskautun og öryggisatriðum.
Kynningu á grunnatriðum í listhlaupi á skautum.
Upphitun, teygju- og þrekæfingum sem fara fram í leikjaformi úti og inni.
Sumarskautaskólinn er hálfan daginn kl. 08.45 – 12.00 eða kl. 13.00 – 16.15. Einnig eru í boði námskeið allan daginn frá kl. 08:45 – 16:15.
ATH! Börnin þurfa að koma með hlý föt og vettlinga fyrir ístímann og hollt nesti. Þau þurfa að vera klædd eftir veðri, því farið er í gönguferðir og leiki úti og inni. (Athugið að þau sem eru allan daginn þurfa einnig að koma með hádegisnesti.)

Skautar og hjálmar eru á staðnum en sjálfsagt er að koma með eigin.

Júní
Vika 1. 8. – 12. júní (mánu – föstudags) – 5 dagar kr. 15.000,- 1/2 dagur, 30.000 kr. allan daginn
Vika 2. 15. – 19. júní (mánu – föstudags) – 5 dagar kr. 15.000,- 1/2 dagur, 30.000 kr. allan daginn
Vika 3. 22. – 26. júní (mánu – föstudags) – 5 dagar kr. 15.000,- 1/2 dagur, 30.000 kr. allan daginn

Júlí og ágúst
Vika 1. 20. – 24. júlí (mánu – föstudags) – 5 dagar kr. 15.000,- 1/2 dagur, 30.000 kr. allan daginn
Vika 2. 27. – 31. júlí (mánu – föstudags) – 5 dagar kr. 15.000,- 1/2 dagur, 30.000 kr. allan daginn
Vika 3. 4. – 7. ágúst (þriðju – föstudags) – 4 dagar kr. 12.000,- 1/2 dagur, 24.000 kr. allan daginn
Vika 4. 10. – 14. ágúst (mánu– föstudags) – 5 dagar kr. 15.000,- 1/2 dagur, 30.000 kr. allan daginn
Vika 5. 17. – 21. ágúst (mánu – föstudags) 5 dagar kr. 15.000,- 1/2 dagur, 30.000 kr. allan daginn

Skráning fer fram á skautafelag.felog.is , velja þarf tímabil og fyrir / eftir hádegi eða allan daginn.
Athugið að til að nýta frístundastyrk þarf að skrá inn með Íslykli eða rafrænum skilríkjum.
Umsjónarmenn námskeiðanna eru þjálfarar.
Heimasíða Skautafélags Reykjavíkur
Netfang: gjaldkeri.lsr@gmail.com

Fyrst kepptu stúlkur í Advanced Novice með frjálsu prógrömmin sín. Þar varð Herdís Heiða þriðja, en það dugði henni ekki til að komast á pall og endaði hún í 4 sæti á mótinu með 75,72 stig í heildareinkunn.

Rebekka Rós endaði í 8 sæti með 63,32 stig, Margrét Eva varð í 11 sæti með 60,26 stig og Eydís kom þar fast á hæla hennar í 12 sæti með 59,80 stig.

Í efstu þrem sætum í Advanced Novice voru Anna Bodrone frá Ítalíu, Júlía Rós Viðarsdóttir úr Skautafélagi Akureyrar og Jeanne Loez frá Frakklandi varð í þriðja sæti.

Næst var keppt í stutta prógrammi Junior kvenna. Þar áttum við einn keppanda, hana Dóru Lilju Njálsdóttur. Hún fékk 19,92 stig fyrir stutta prógrammið og var tíunda eftir fyrri keppnisdag.

Þar á eftir komu karlar í Junior með sitt stutta prógramm og dagurinn lauk með því að Senior konur kepptu með stutt prógrömm. Þar kepptu SR-ingarnir þær Kristín Valdís Örnólfsdóttir og Margrét Sól Torfadóttir. Kristín náði 5 sæti fyrir stutta prógrammið og Margrét því sjötta.

Á sunnudeginum hófst dagurinn á því að keppt var í frjálsu prógrammi hjá Junior konum. Dóra Lilja fékk úr því 36,83 stig og endaði keppni í 10 sæti með 56,75 stig í heildareinkunn

Í efstu þrem sætum í flokknum urðu Jocelyn Hong frá Nýja Sjálandi, Aldís Karla Bergsdóttir úr SA og Marta María Jóhannsdóttir úr SA. Þær bættu báðar Íslandsmetið og á nú Aldís Kara nýtt Íslandsmet sem er 108,45 stig.

Næst var keppt í frjálu prógrammi Junior karla, og lauk keppni með sigri Darian Kaptisch frá Ástralíu en í örðu sæti var Jang Elliot frá Taipei.

Að lokum var keppt í frjálsu prógrammi Senior kvenna. Þar varð Margrét Sól sú fimmta með 64,89 stig og dugði það henni til að halda sjötta sætinu en hún endaði með 96,18 í heildareinkunn. Kristín Valdís fékk 61,31 stig fyrir frjálsa prógrammið og endaði í 7 sæti með 93,74 stig í heildareinkunn.

Efstu þrjú sætin í flokknum hlutu Tanja Odermatt frá Sviss, Aiza Mambekova frá Kazakstan og Morgan Flood frá Azerbajan.

Skemmtilegu móti er lokið og hér að neðan má sjá myndir af verðlaunahöfunum í hverjum flokki, en myndirnar eru fengnar af Facebook síðu Skautasambands Íslands

Advanced Novice

Junior konur

Junior karlar

Senior

Núna í dag mun Viktoría Lind keppa fyrir Ísland á JGP í Bratislava, Slóvakíu. Stutta prógramið hjá henni er í dag klukkan 14:45, hún er í fyrsta upphitunarhóp og 3 í röðinni. Það er hægt að horfa beint á þessum link 

Í 6 ára og yngri var Emilía Brá Leonsdóttir (SR) í 1.sæti og Kristina Mockus (SR) í 2.sæti.

Brynjar Ólafsson (SR) keppti í 8.ára og yngri drengjaflokki og hreppti hann 1.sætið.

Í 8.ára og yngri stúlknaflokki varð Bára Margrét Guðjónsdóttir (SR) í 1.sæti, Helenda Katrín Einarsdóttir (SR) í 2.sæti og Elín Erla Dungal (SR) í 3.sæti.

Thelma Rós Gísladóttir (SR) lennti í 1.sæti í 10.ára og yngri, Eva Lóa Dennisdóttir Gamblen (SR) í 2.sæti, Yrja Gló Grímsdóttir (SR) í 3.sæti og saman í 4.sæti, í keppnis röð: Rakel Kara Hauksdóttir, Ragnheiður Jónsdóttir og Hildur Emma Stefánsdóttir.

Í flokki 12 ára og yngri lennti Briet Eiríksdóttir (SR) í 1.sæti og Herdís Anna Ólafsdóttir (SR) í 2. sæti.

Í stúlknaflokki lennti Amanda Sigurðardóttir (SR) í 1.sæti, Helga Xialan Haraldsdóttir (SR) í 2.sæti, Bryndís Bjarkadóttir (SR) í 3.sæti, Sara Diem Hoai Nguyen (SR) í 4.sæti, Anna Björk Benjamínsdóttir (SR) í 5.sæti og Hrafnhildur Haraldsdóttir (SR) í 6.sæti.

Sara Dís Þórsdóttir (SR) keppti í unglingaflokki og hreppti hún 1.sætið.

Úrslit í Basic Novice A féllu úrslit þannig: Herdís Heiða Jing Guðjohnsen (SR) lennti í 1.sæti, Margrét Eva Borgþórsdóttir (SR) í 2.sæti, Eydís Gunnarsdóttir (SR) í 3.sæti, Ingunn Dagmar Ólafsdóttir (SR) í 4.sæti, Hera Christiansen (SB) í 5.sæti, Kristín Jökulsdóttir (SR) í 6.sæti, Helena Ásta Ingimarsdóttir (SR) í 7.sæti, Tanja RUt Grétarsdóttir (SB) í 8.sæti, Natalía Rán Leonsdóttir (SB) í 9.sæti, Þórdís Helga Grétarsdóttir (SB) í 10. sæti, Valgerður Ólagsdóttir (SR) í 11.sæti, Rakel Sara Kristinsdóttir (SB) í 12.sæti og Vilborg Gróa Brynjólfsdóttir (SR) í 13.sæti.

Í flokkum Advanced Novice og Junior er fyrri keppnisdegi lokið og spennandi að sjá hvernig seinni keppnisdagur kemur til með að enda.

Í Advanced Novice standa stig þannig að Viktoría Lind Björnsdóttir (SR) er efst með 29.10 stig, næst koma svo Guðlaug Sóley Höskuldsdóttir (SB) með 26.65 stig, Nanna Kristín Bjarnadóttir (SR) með 21.60 stig, Berglind Óðinsdóttir (SB) með 17.61 og Aníta Núr Magnúsdóttir (SB) með 16.49 stig.

Í junior er Dóra Lilja Njálsdóttir (SR) með 23.89 stig.

Sundurliðun á einkunnum í flokkum Basic Novice A, Advanced Novice og Junior má sjá hér að neðan.

Keppni hefst aftur kl.8:15 sunnudagsmorgunninn 1.október, en þá munu Chicks, Cubs, Basic Novice B, Advanced Novice og Junior heilla áhorfendur og dómara með sínum listum á ísnum.

AdvancedNovice_SP_Scores

BasicNoviceA_FS_Scores

Junior_SP_Scores

Nú er tímabilið að hefjast og fyrstu æfingar, samkvæmt auglýstri æfingatöflu, byrjuðu í þessari viku. 

Geymsla fyrir búnað
Í ár munum við taka upp nýtt fyrirkomulag á geymsluplássi fyrir búnað iðkenda. Útbúin verður lokuð geymsla þar sem í boði verður að leigja pláss á kr. 8000 fyrir árið. Kassi fyrir búnaðinn er innifalinn í verðinu.  Við skráningu iðkanda í félagaskráningarkerfi verður hægt að haka við leigu á kassa og greiða kassagjaldið samhliða æfingagjöldum. Iðkandi kemur svo með kvittun (útprentaða eða í síma) úr kerfinu og fær afhentan merktan kassa á næstu æfingu.  Einnig er hægt að greiða fyrir kassann í vefverslun SR og framvísa kvittun þaðan.  

Leigubúnaður
SR bíður upp á leigu á hlífðarbúnaði fyrir iðkendur sem eru að stíga sín fyrstu skref á svellinu. Búnaðarleigan hjá SR er hugsuð til þess að ekki þurfi að fjárfesta í öllum búnaði strax.  Leiga á búnaðarpakkanum er kr. 4000 fyrir önnina (kr. 8000 árið) og munu þjálfarar og fulltrúar foreldrafélags aðstoða við að finna réttan búnað á fyrstu æfingum vetrarins.

Skautaskólinn byrjar formlega 3. september. Foreldrafélagið verður með fulltrúa á staðnum bæði til að aðstoða þjálfara við að gera alla klára á ísinn en einnig til að spjalla við nýja foreldra og kynna fyrir þeim félagið og starfið okkar.

Svo minnum við á að það kostar ekkert að prófa íshokkí í Skautaskólanum svo endilega bjóðið vinum og vandamönnum að koma og prófa þessa frábæru íþrótt.

Þjálfarar og foreldrafélagið

Þeir sem hafa hug á að bjóða sig fram í stjórnarsetu í listhlaupadeildinni eru beðnir um að boða framboð sitt og senda póst á list@skautafelag.is fyrir 17.maí.

Dagskrá fundarins:

1. Kosinn fundarstjóri og aðrir embættismenn fundarins
2. Lesin upp fundargerð síðasta aðalfundar deildarinnar
3. Lögð fram skýrsla stjórnar fyrir liðið starfsár
4. Lagðir fram endurskoðaðir reikningar til samþykktar
5. Kosning stjórnar til eins árs:
a) formanns
b) fjögurra meðstjórnenda
c) þriggja varamanna
6. Önnur mál

kveðja,

Stjórn LSR

Hægt er að sjá dagskrá mótins á heimasíðu Skautasambands Íslands

Við óskum keppendum okkar öllum góðs gengis og sjáum vonandi sem flesta SR-inga í höllinni að horfa.