Skautaskóli – Skautafélag Reykjavíkur

Aðalfundur íshokkídeildar Skautafélags Reykjavíkur

admin — Tue, 15 May 2018 12:54:58 +0000

Boðað er hér með til Aðalfundar íshokkídeildar Skautafélags Reykjavíkur. Á dagskrá eru venjulega aðalfundarstörf.

Þeir sem hafa hug á að bjóða sig fram til stjórnarstarfa vinsamlegast gefið ykkur fram eða hafið samband við núverandi stjórnarfólk.

Hægt er að skoða lög félagsins hér á vefnum.

Aðalfundur íshokkídeildarinnar verður haldinn í félagsaðstöðu Skautafélagsins í Skautahöllinni í Laugardal kl.20:00, mánudaginn 28. maí 2018.

Félagsmenn eru hvattir til að mæta og taka þátt í aðalfundarstörfum.

Stjórn íshokkídeildar

Æfingar falla niður föstudag og sunnudag vegna móta

admin — Wed, 24 Jan 2018 21:23:15 +0000

Það hefur eflaust ekki farið fram hjá neinum að Reykjavík International Games verður haldið núna um næstkomandi helgi. Ein af keppnisgreinum mótsins er listhlaup á skautum og verður sá hluti mótsins haldinn á okkar heimavelli, Skautahöllinni í Laugardal. Einnig á sama tíma verða 5,6 og 7.flokkur íshokkídeildarinnar á Frost-mótinu á Akureyri. Þetta þýðir að það verða engar æfingar hjá íshokkídeildinni dagana 25. til og með 28. janúar. Einnig er hægt að fylgjast með á Facebook-Upplýsingasíðu yngri flokka íshokkídeildarinnar fyrir frekari upplýsingar.

Sameinað lið í Meistaraflokki kvenna!

admin — Thu, 07 Sep 2017 22:39:45 +0000

Nú fyrir skemmstu var kynntur til sögunnar þjálarar sameinaðs liðs SR og Bjarnarins í Meistaraflokki kvenna, Alexander Medvedev og Andri Freyr Magnússon. Sameining þessara liða hefur verið í umræðunni síðan í vor eftir að Hertz-deild kvenna með yfirburðarsigri norðan liðanna. Kvennaíshokkí hefur átt undir högg að sækja í Reykjavík og er vonast til þess að sameining liðanna í þessum flokki efli og styrki kvennastarf félaganna, SR og Bjarnarins, í framtíðinni.

Þjálfarinn, Alexander, ætti að vera hokkífólki kunnugur þar sem hann hefur spilað og þjálfað hjá Birninum síðustu tvö tímabil. Hann er nú þegar potturinn og pannan í þjálfun hjá Birninum og honum fannst þetta verkefni, sem bæði SR og Björninn sameinuðust um að gera, bæði áhugavert og krefjandi. Aðstoðarþjálfarann þarf nú ekki að kynna hér á skautafelag.is þar sem flest allir ættu að þekkja hann frá störfum hans í Skautaskólanum og víðar hjá SR. Andri hefur þjálfað hjá SR um árabil með góðum árganri. Hann verður Alexander innan handar í vetur hjá Sameinaða kvennaliðinu.

Heimavöllur þessa liðs er bæði í Laugardal og í Egilshöll. Æfingar fara eins fram á báðum stöðum.

Við hjá íshokkídeild Skautafélags Reykjavíkur munum að sjálfsögðu styðja vel við bakið á okkar stelpum í komandi leikum í Hertz-deild kvenna.

Fyrsti leikur sameinaðs kvennaliðs verður næstkomandi laugardag kl.16:20 í Egilshöll og við hverjum alla SR-inga og áhugafólk um íshokkí að fjölmenna í Egilshöll og hverja okkar stelpur til dáða.

Fullorðinsnámskeið í SR list

Anna Gígja Kristjánsdóttir — Sun, 27 Aug 2017 15:44:50 +0000

Langar þig að prufa að læra að smá að skauta? SR listhlaupadeild bíður upp á námskeið fyrir fullorðna sem langar að læra að skauta, kennd eru undirstöðu atriði í skautun og þeir sem hafa komið áður á námskeið byggja ofan á það sem þeir hafa þegar lært. Námskeiðin hafa fengið frábærar viðtökur og á síðustu önn komust því miður ekki allir að sem vildu. Það er því um að gera að skrá sig sem fyrst áður en allt fyllist.

Skráning er hafin í skautaskóla og unglinasnámskeið á vorönn

Anna Gígja Kristjánsdóttir — Thu, 22 Dec 2016 15:15:05 +0000

Skráning er nú hafi í skautaskólann og á unglinganámskeiðin á vorönn 2017. Skráning fer fram á skráninga síðu félagsins hér: Skráning

Skautaskólinn er fyrir byrjendur og styttra komna á aldrinum 5-11 ára.http://www.skautafelag.felog.is/

Unglinganámskeiðin eru fyrir krakka 12 ára -17 ára

Í Skautaskólanum er lögð megin áhersla á að læra helstu grunn- og undirstöður íþróttarinnar. Við leggjum áherslu á að hafa æfingarnar skemmtilegar og fjölbreyttar og í leiðinni krefjandi.

Kennsla í skautaskólanum hefst laugardaginn 7. janúar. Hægt er að finna nánari upplýsingar hér um Skautaskólann

Kennsla í unglingahóp hefst sunnudaginn. 8. janúar, nánari upplýsingar eru hér um Unglinganámskeiðin

Iðkendur sem hafa verið áður í skautaskóla skrá sig í Skautaskóla A en byrjendur í Skautaskóla B.

Hokkískautaskólinn byrjar á sunnudag!

Eggert Steinsen — Thu, 01 Sep 2016 19:55:16 +0000

Hokkískautaskólinn byjar á sunnudaginn kl 12:00. Rannsóknir sýna að íshokkí er ekki síður frábær íþrótt fyrir stelpur en stráka. Í vetur verður Hokkískautaskólinn miðvikudögum kl 17:30-18:45 og á sunnudögum frá 12:00-12:45. Eins og síðustu ár verður Andri Freyr Magnússon skautaskólastjóri SR!

Allir á ísinn!
Frekari upplýsingar um hokkískólann má síðu Skautaskólans.

Andri Freyr áfram Hokkískautaskólastjóri!

Eggert Steinsen — Wed, 31 Aug 2016 21:26:43 +0000

Íshokkídeild Skautafélagsins endurréð Andra Frey Magnússon sem Hokkískautaskólastjóra í vetur! Andri ætti að vera öllum félagsmönnum löngu kunnur enda hefur hann verið viðloðinn hokkískautaskólann í fjöldamörg ár ásamt því að vera dómari í Meistaraflokki og slyngur krulluspilari einsog sést á myndinni. Andri mun byrja á því að taka á móti áhugasömum krökkum í hokkískautaskólanum sem verður næstkomandi sunnudag kl.12:00 – 12:45. Við hvetjum alla félagsmenn að fjölmenna með syni, dætur, frændur og frænkur á staðinn og taka þátt í þessum bráðskemmtilega skautaskóla hokkídeildarinnar.

Nánari upplýsingar um skautaskólann má finna hér.