Íslenska landsliðið stóð sig með prýði ef horft er til þess að þetta er næst-yngsta liðið á mótinu. Það eru aðeins sex leikmenn sem eru á síðasta ári í flokknum, fæddir 2006, og átta leikmenn sem enn tilheyra formlega U16. Aðeins Bosnía-Hersegóvína er með yngra lið en þeir eru á leiðinni niður um deild. Sigurlið mótsins, Belgía, er með 12 leikmenn á efsta ári og aðeins einn leikmann úr U16.

Á HM U18 að ári spilar liðið aftur gegn Mexíkó, Nýja-Sjálandi og Tyrklandi en í hópinn bætast Hong-Kong úr riðlinum fyrir neðan en hverjir koma niður er enn ekki vitað en það mót er í næstu viku á Spáni.

U18 drengjalandslið Íslands í Istanbúl Tyrklandi mars 2024

SR-ingarnir fjórir stóðu sig með afburðum vel á mótinu.

Helgi Bjarnason
Maður leiksins úr liði Íslands gegn Bosníu-Hersegóvínu
Markahæsti leikmaður Íslands með 7 mörk
4. sæti yfir markahæstu leikmenn mótsins

Haukur Steinsen
Maður leiksins úr liði Íslands gegn Belgíu
Efstur varnarmanna Íslands með fjórar stoðsendingar

Ýmir Hafliðason
Annar markahæsti leikmaður Íslands með 3 mörk
13. sæti yfir markahæstu leikmenn mótsins

Haraldur Nickel
Haraldur var varamarkvörður Íslands á þessu móti, en hann er aðeins 14 ára gamall og fyrsta árið sem hann er gjaldgengur í U18 landslið Íslands.
Hann spilaði síðustu 7 mínútur gegn Bosníu og hélt hreinu.

Þetta var síðasta U18 mót Hauks en Helgi, Ýmir og Haraldur eru allir ennþá í U16.

Í starfsliðinu voru einnig SR-ingarnir Bjarki Jóhannesson sjúkraþjálfari og Axel Orongan þjálfari.

Bjarki Jóhannesson sjúkraþjálfari, Haraldur Nickel, Haukur Steinsen, Helgi Bjarnason, Ýmir Hafliðason og Axel Orongan þjálfari

Helgi tekur við verðlaunum sem besti leikmaður Íslands í leik gegn Bosníu.

Haukur tekur við verðlaunum sem besti leikmaður Íslands gegn Belgíu.

Mótið er búið að vera í undirbúningi hjá þjálfurum og foreldrafélaginu í einhvern tíma.

Nýjar treygjur voru afhentar í dag og eiga krakkarnir eftir að taka sig vel út í þeim í leikjum helgarinnar.

Við hvetjum alla til að skella sér í Laugardalinn  og fylgjast með öllum þeim 160 krökkum sem munu taka þátt í mótinu.

Dagskráin er hér að neðan.

Global Girls’ Game IIHF er alþjóðlegur viðburður sem fór fram um allan heim núna um helgina. Leikurinn spilaður til að vekja athygli á og efla kvennaíshokkí. Þar mætast bláir á móti hvítum í skemmtilegum hokkíleik en leikurinn endaði 3-1 fyrir hvíta. Þarna mættust hokkístelpur af höfuðborgarsvæðinu frá 3 ára og upp í 36 ára, allt frá nýliðum upp í reyndar landsliðskonur.

Það þarf auðvitað ekki að taka það fram að íshokkí er frábært íþrótt fyrir börn – hvort sem er fyrir stelpur eða stráka.

Áfram kvennaíshokkí!

Milos, eins og hann er jafnan kallaður, er frá Vlasim í Tékklandi og kemur úr mikilli hokkífjölskyldu. Hann lærði að skauta þriggja ára en byrjaði að æfa íshokkí 5 ára.

Milos hefur búið og starfað á Íslandi síðan hann gekk í raðir meistaraflokks SR árið 2013 þá 19 ára gamall en hann hefur verið einn af lykilmönnum liðsins. Hann hefur þjálfað 3. flokk SR síðastliðin þrjú ár við góðan róm ásamt því að vera einn af þjálfurum í tékknesk-kandadísku sumarhokkíbúðunum í Prag frá árinu 2016.

Skautafélagið býður Milos velkominn til starfa og hlakkar til samstarfsins í þeirri uppbyggingu sem framundan er.

Milos í leik með SR. Ljósmynd: Elvar Freyr

Skautaskólinn er fyrir byrjendur og styttra komna á aldrinum 5-11 ára.http://www.skautafelag.felog.is/

Unglinganámskeiðin eru fyrir krakka 12 ára -17 ára

Í Skautaskólanum er lögð megin áhersla á að læra helstu grunn- og undirstöður íþróttarinnar. Við leggjum áherslu á að hafa æfingarnar skemmtilegar og fjölbreyttar og í leiðinni krefjandi. 

Kennsla í skautaskólanum hefst laugardaginn 7. janúar.   Hægt er að finna nánari upplýsingar hér um Skautaskólann

Kennsla í unglingahóp hefst sunnudaginn. 8. janúar, nánari upplýsingar eru hér um Unglinganámskeiðin

Iðkendur sem hafa verið áður í skautaskóla skrá sig í Skautaskóla A en byrjendur í Skautaskóla B.