Skautafélag Reykjavíkur

SR Íslandsmeistari kvenna 2026

Bjarni Helgason — Mon, 30 Mar 2026 00:17:41 +0000

Kvennalið SR skráði söguna í dag þegar þær sigruðu SA í fjórða leik úrslitarimmunnar og tryggðu sér þar með Íslandsmeistaratitilinn 2026. Þetta er fyrsta skiptið sem SR spilar til úrslita í íshokkí kvenna og þar að leiðandi fyrsti titillinn.

Kvennalið SR var endurvakið tímabilið 2020-2021 eftir samstarf Reykjavíkurliðanna þrjú tímabil þar á undan. Þar áður hafði verið starfandi kvennalið hjá SR frá árinu 2010 en aðeins náð að sigra einn leik á þeim tíma, árið 2016 í framlengingu. Það lagði þó grunninn að því sem síðar skyldi koma. Engin leikmaður er enn úr því liði en fjórir leikmenn sem spiluðu fyrsta tímabilið með endurvöktu kvennaliði SR 2020-2021 eru í Íslandsmeistaraliðinu í ár. Systurnar Arna og Bríet Friðjónsdóttir, Heiður Atladóttir og Friðrika Magnúsdóttir. Arna og Heiður eru líka æskuvinkonur og byrjuðu saman að æfa íshokkí. Friðrika Magnúsdóttir hafði aldur til að spila eftir áramót þetta upphafstímabil. Auk þeirra fjögurra var Andrea Bachmann í starfshópi liðsins núna en hún spilar í Svíþjóð þessi misserin.

Athyglisvert er að tveir leikmenn úr liði SR virðast hafa einstaklega gott lag á að næla sér í Íslandsmeistaratitla. Teresa Snorradóttir spilaði með Fjölni þrjú tímabil og vann titla seinni tvö en þar áður hafði hún unnið nokkra með SA. Berglind Leifsdóttir er svo með samfellda titlasögu í mörg tímabil. SR í ár, Fjölnir tvö síðustu tímabil og SA nokkur ár þar á undan – líklega 8 titlar í röð. Geri aðrir betur.

Þessi úrslit voru hnífjöfn og allir leikir sigruðust með minnsta mun og tveir fóru alla leið í framlengingu og vítakeppni.

Mörk SR í rimmunni skoruðu
– Eleonor 1 mark
– Arna 1 mark
– Gunnborg 1 mark
– Friðrika 2 vítaskot og 1 stoðsending
– Ragnhildur 1 vítaskot
– Kristína Ngoc 1 stoðsending
– Brynja Þórarinsdóttir 1 stoðsending

Það má með sanni segja að þessi úrslit hafi verið einvígi milli sterkra varna og tveggja frábærra markvarða sem báðar eru kanadískar. Julianna endaði efst með 97.37% markvörslu og Shawlee rétt rúmu prósentustigi á eftir henni. Ótrúlegar tölur sem útskýra vel af hverju svona fá mörk voru skoruð í þessari rimmu. Varnarleikur SR var tekinn upp á næsta stig í úrslitum og náði að halda sterkri sókn SA algjörlega í skefjum öll úrslitin. SA skoraði að meðaltali tæplega fjögur mörk í hverjum leik í deildinni í vetur en skoraði aðeins þrjú mörk í fjórum leikjum úrslitanna.

Julianna, að öðrum ólöstuðum, var án efa besti leikmaður úrslitarimmunnar. Hún varði öll víti frá SA nema eitt í leikjunum tveimur þar sem vítakeppni þurfti til að skera úr um úrslit.

Ljósmynd og myndband: Bjarni Helgason

Nýtt hjá Listskautadeild | Leiðin að gera betur í dag en í gær er að senda inn ábendingu

Anna María Hedman — Thu, 26 Mar 2026 10:44:04 +0000

Við leggjum mikla áherslu á að halda áfram að þróast og bæta starf okkar – með það að markmiði að gera betur í dag en í gær. Eins og við höfum áður nefnt erum við að innleiða gæðastjórnunarkerfi og þar skiptir ykkar rödd miklu máli. Okkur þykir afar mikilvægt að fá að heyra frá iðkendum okkar og forsjáraðilum.

Við höfum sent út kannanir til að fá innsýn í líðan og upplifun ykkar og viljum við þakka kærlega fyrir þann tíma og þann vilja sem þið hafið sýnt með því að taka þátt

Nú tökum við næsta skref saman – að innleiða ábendingakerfi. Hér fyrir neðan finnið þið eyðublöð þar sem hægt er að senda inn ábendingar. Við tökum öllum ábendingum opnum örmum og metum þær mikils.

Vinsamlegast athugið að allar fyrirspurnir sem tengjast æfingum fara í gegnum Abler eða má senda á skautastjori@gmail.com Við hvetjum ykkur til að nota þær leiðir svo við getum svarað sem best.

Hér er hægt að senda inn ábendingu https://incidents.ccq.cloud/simpleform-overview/iGGEEQKbrBew8MwW3

_____________________________________________________________________________________________________________________________________________________________________

We place great importance on continuously developing and improving our work, with the goal of doing better today than yesterday. As previously mentioned, we are in the process of implementing a quality management system, and your voice is an essential part of that journey. It is very important to us to hear from both our participants and their guardians.

We have sent out surveys to better understand your well-being and experience, and we sincerely thank you for the time and willingness you have shown by participating

Now we are taking the next step together – implementing a feedback system. Below you will find forms where you can submit your suggestions and feedback. We warmly welcome all input and truly value your contributions.

Please note that all inquiries related to training should be submitted through Abler or sent to skautastjori@gmail.com .

We encourage you to use these channels so we can respond as effectively as possible. Here is the link https://incidents.ccq.cloud/simpleform-overview/iGGEEQKbrBew8MwW3

Sumarskautaskóli LSR

Ásdís Rós Clark — Thu, 19 Mar 2026 23:46:10 +0000

Sumar skautanámskeið!

Listhlaupadeild Skautafélags Reykjavíkur stendur fyrir sumarnámskeiðum í sumar eins og fyrri sumur. Í boði verða heilsdag-og hálfsdagsnámskeið í Skautahöllin í Laugardal

Skipulögð dagskrá fer fram frá 9:00-16:00/09:00-12:00/13:00-16:00 gæsla verður í boði 30 mínútur áður en námskeið hefst og eftir að því lýkur (08:30-16:30), einnig verður hægt að skrá sig í heitan mat í hádeginu frá Kaffi Flóru.

Dagskrá námskeiðanna er mjög fjölbreytt og er lituð af hreyfingu, útiveru, ferð í húsdýragarðinn og auðvitað skellum við okkur á skauta á hverjum degi bæði fyrir og eftir hádegi.

Fjöldi þátttakenda er takmarkaður á hvert námskeið. Fyrir nánari upplýsingar má senda póst á skautastjori@gmail.com

Skráningar hefjast 10. apríl á abler: https://www.abler.io/shop/SR

Aðalfundur Listskautadeild

Anna María Hedman — Tue, 17 Mar 2026 19:03:41 +0000

Aðalfundur Listskautadeildar Skautafélags Reykjavíkur hefur verið boðaður fimmtudaginn 16. apríl kl. 19:00. Fundurinn verður haldinn í salnum fyrir ofan stúkuna í Skautahöllinni.

Þeir sem hafa hug á að bjóða sig fram til stjórnarsetu í Listhlaupadeildinni eru beðnir um að boða framboð sitt og senda póst á formadur.lsr@gmail.com fyrir 14. apríl.

Dagskrá fundarins:

1. Kosinn fundarstjóri og aðrir embættismenn fundarins
2. Lesin upp fundargerð síðasta aðalfundar deildarinnar
3. Lögð fram skýrsla stjórnar fyrir liðið starfsár
4. Lagðir fram endurskoðaðir reikningar til samþykktar
5. Kosning skoðunarmanna reikninga

6. Tillaga að breyting á lög varðandi stjórn

Kosning stjórnar 26/27 með tillit til samþykkt á lagabreytinga
a) formanns 2 ár
b) varaformaður 2 ár
c) gjaldkeri 2 ár
d) ritari 2 ár
b) 2 meðstjórnenda 1 ár
c) 2 varamanna 1 ár

7. Önnur mál

kveðja,
Stjórn LSR

The annual meeting for LSR will be held on Monday the 26th of May at 19:00.

Those who are interested in running for a board seat in the Figure Skating Club are asked to announce their candidacy and send an e-mail to skautastjori@gmail.com before the 26 th of May.

Agenda of the meeting:

1. Elected chairman of the meeting and other officials of the meeting.
2. Read out the meeting minutes of the last annual meeting.
3. Report submitted by the Board for the past operating year
4. Audited accounts submitted for approval
5. Election of auditors
6) Changes of articles of association
6. Election of the Board:
a) chairman
b) vice chairman
c) cashier
d) secretary
e) 2 co-managers
f) 2 alternates
7. Other issues
Yours,
Board of LSR

SR Íslands- og deildarmeistarar 2026

Bjarni Helgason — Sat, 14 Mar 2026 23:26:05 +0000

Karlalið SR sigraði SA 3-2 á heimavelli í Skautahöllinni í Laugardal í dag og tryggði sér þannig Íslandsmeistaratitlinn 2026. Liðið vann úrslitaeinvígið 3-0.

SR varð líka deildarmeistari eftir sigur á SA í tveimur lokaleikjum Topp-deildarinnar.

SR sigraði 6 síðustu leiki sína gegn SA í deild og úrslitum.
SR er ósigrað í 10 síðustu leikjum en hefur ekki tapað í venjulegum leiktíma í 14 síðustu leikjum sínum.

Tölfræði liðsins var frábær en liðið átti 5 stigahæstu leikmenn Toppdeildarinnar; Alex, Hákon, Kára, Sölva og Styrmi. Hákon Magnússon var stigahæsti varnarmaður deildarinnar, Eduard í fimmta og Haukur Steinsen í sjötta. Ævar Björnsson var besti markvörður deildarinnar.

Í úrslitum átti SR þrjá stigahæstu leikmennina; Hákon, Axel og Níels en í topp 10 voru einnig Heiðar, Þorgils og Styrmir. Hákon var aftur stigahæstur varnarmanna, Þorgils í þriðja og Eduard í fjórða. Bestu markvörður úrslitanna var Jóhann Ragnarsson og líklega maður úrslitarimmunnar.

Þetta er 8. Íslandsmeistaratitill karlaliðs SR og sá þriðji á fjórum árum. Jafnar þetta besta árangur SR 2006-2009 sem einnig sótti þrjá titla á fjórum árum; varð Íslandsmeistari 2006, 2007 og 2009.

Þetta er ekki í fyrsta skiptið sem SR sópar SA í úrslitum 3-0. Fyrst gerðist það árið 1999 en í annað skiptið árið 2006 en þá lyfti liðið bikarnum heima í Laugardalnum, líkt og nú.

Liðið hefur fjórum sinnum innsiglað Íslandsmeistaratitlinn á heimavelli, árið 2000, 2006, 2009 og í ár 2026.

Við óskum leikmönnum, þjálfurum, sjálfboðaliðum og félaginu öllu til hamingju með titlana.

Ljósmynd: Hafsteinn Snær Þorsteinsson
Myndband: Bjarni Helgason

Bæði lið SR spila til úrslita í ár

Bjarni Helgason — Tue, 03 Mar 2026 17:39:47 +0000

Það verður magnaður mars í Skautahöllinni í Laugardal þegar bæði karla- og kvennalið félagsins keppa til úrslita.

Kvennalið SR er í úrslitum í fyrsta skiptið í sögunni og karlaliðið varð á dögunum deildarmeistari í fyrsta sinn síðan 2015.

Merkið í dagatalið því af þessu vill enginn missa.

Liðið sem fyrst sigrar þrjá leiki lyftir bikarnum og fagnar Íslandsmeistaratitlinum 2026

*Leikur fjögur og fimm fara fram ef annað liðið sigrar ekki alla þrjá

3000 kr. við hurð

2500 kr. í forsölu á Stubb

Frítt fyrir 12 ára og yngri

Athugið að árskort gilda ekki á úrslit

Þetta verður veisla fyrir öll skilningarvit sem enginn má missa af.

Málum pallana bláa og höfum hátt – styðjum við bakið á SR í stærsta leik tímabilsins!

Metfjöldi sótti minningarleik um Patta

Bjarni Helgason — Tue, 24 Feb 2026 20:33:34 +0000

Patreks Freys Sveinssonar, sem lést í hræðilegu umferðarslysi á Miklubraut 5. febrúar, var minnst á eftirminnilega hátt í Skautahöllinni í Laugardal þriðjudaginn 11. febrúar s.l. Leikurinn, milli karlaliða SR og Fjölnis, var tileinkaður minningu Patta og rann öll miðasala, kökusala og pökkakast óskipt í fjölskyldu hans.

Það er nánast öruggt að aldrei hafa jafn margir komið á íshokkíleik á Íslandi því höllin var stappfull, vel yfir 1.100 mættu á leikinn og sáu SR sigra Fjölni örugglega með sex mörkum gegn einu.

Ljósmynd, Sævar Jónas

Hjartnæm og falleg minningastund var fyrir leik þar sem bæði lið, liðsfélagar Patta úr U18 liði SR, dómarar, prestur fjölskyldunnar og formenn beggja deilda stóðu saman og mynduðu hring í mínútuþögn.

Í leikhléi var spilað minningarmyndband með myndbrotum og ljósmyndum frá vinum Patta og fjölskyldu undir laginu Vor í Vaglaskógi í lifandi flutningu Hreims Heimissonar.

Kvennalið SR og SA vottuðu Patta og fjölskyldu svo virðingu í leik sínum föstudaginn 14. febrúar er liðin mættus í Laugardalnum. Samskonar minningarstund var haldin fyrir leik þar sem liðin minntust látins félaga.

Þess má geta að foreldrar og fjölskylda Patta mættu á báða leikina.

Patrekur var jarðsunginn mánudaginn 23. febrúar í Grafarvogskirkju og kistan borin út í gegnum heiðursvörð liðsfélaga hans úr SR.

Við minnumst Patreks með hlýhug og góðs liðsfélaga sem verður sárt saknað

#12
Patrekur Freyr Sveinsson
2009-2026

Forsíðumynd, Karítas Sveina Guðjónsdóttir

Ljósmynd, Sævar Jónasson

Silfur í Sarajevo hjá U18 drengjum

Bjarni Helgason — Mon, 23 Feb 2026 19:07:11 +0000

Alþjóða íshokkísambandið prufukeyrði nýtt fyrirkomulag á þessu móti í Bosníu. Liðunum var skipt í tvo hópa þar sem fyrst voru leiknir þrír leikir eftir styrkleikaröðun, áður en tekið var til við undanúrslit og úrslit.

Í fyrsta leik mætti Ísland veikburða liði Lúxemborgar og sigraði örugglega 12–1. Í næsta leik voru það Túrkmenar sem reyndust einnig lítil fyrirstaða fyrir okkar drengi og lokatölur 5–1. Í þriðja leiknum mættu þeir Tælendingum, fyrstu raunverulegu andstæðingum mótsins, og fyrirfram var talið líklegt að baráttan um gullið yrði við þá. Leikurinn var jafn og spennandi. Ísland var örlítið sterkari, en Tælendingar vörðust vel, með góðan markvörð og voru fljótir að refsa fyrir mistök. Leikurinn endaði með fyrsta tapi Íslands á mótinu, 4–2.

Ísland mætti heimamönnum frá Bosníu í undanúrslitum og eftir að hafa hrist þá af sér eftir fyrsta leikhluta varð niðurstaðan öruggur 8–2 sigur. Tæland vann einnig sín undanúrslit örugglega og því ljóst að liðin myndu mætast á ný í úrslitaleik um gullið.

Ísland var klárlega sterkari aðilinn í gullleiknum og yfirspilaði andstæðingana í skotum, 27 gegn 12 í fyrstu tveimur leikhlutunum, og fór með 2–1 forystu inn í lokaþriðjunginn. Þar komust Tælendingar hins vegar yfir með tveimur mörkum á skömmum tíma, en Ísland sýndi mikinn karakter og jafnaði fyrir leikslok. Það var þó Tæland sem tryggði sér sigurinn í framlengingu og tók gullið. Þeir geta þakkað markverði sínum, sem gerði okkar strákum lífið leitt í báðum leikjum með frábærri frammistöðu og var að lokum valinn besti markvörður mótsins.

Hér er samantekt úr tölfræði mótsins fyrir leikmenn félagsins en SR-ingar komu mikið við sögu:

Ýmir Hafliðason Garcia
– 7 mörk og 5 stoðsendingar
– 5. stigahæsti á mótinu og stigahæstur Íslendinga
– +5 í +/-
– Maður leiksins gegn Turkmenistan
– Valinn besti leikmaður Íslands á mótinu af mótsnefnd

Helgi Bjarnason, fyrirliði liðsins
– 5 mörk og 3 stoðsendingar
– 8. stigahæsti á mótinu og annar stighæstur Íslendinga
– +4 í +/-
– 69% Faceoff sigrar í öðru sæti á mótinu
– Maður leiksins í fyrri leiknum gegn Tælandi

Sæmundur Þorsteinsson
– 2 stoðsendingar
– +10 í +/- í þriðja sæti á mötinu og efstur Íslendinga
– Valinn besti varnarmaður mótsins af mótsnefnd

Þorsteinn Óli Garðarson
– 1 mark og 2 stoðsendingar
– +6 í +/-
– 56% Faceoff sigrar og í 8. sæti á mótinu

Silfur í Suður-Afríku hjá U18 stúlkna

Bjarni Helgason — Thu, 05 Feb 2026 10:08:56 +0000

HM U18 í Suður-Afríku lauk um liðna helgi. Öflugt lið Íslands, sem hefur verið í toppbaráttu á síðustu mótum, nældi sér í silfurverðlaun þriðja árið í röð.

Fyrsti leikurinn var gegn gestgjöfunum, sem hafa verið með veikasta liðið undanfarin ár í þessari deild. Það var ekki annað upp á teningnum í ár og Ísland vann öruggan 21–0 sigur. Næst voru það Belgar, sem áttu líklega sinn besta leik gegn okkur. Þeir vörðust af hörku og markvörðurinn þeirra var í miklu stuði, svo við áttum erfitt með að koma pökknum í netið þrátt fyrir mikla sókn. Leikurinn endaði í jafntefli og fór alla leið í vítakeppni, þar sem andstæðingarnir tryggðu sér tvö af þremur stigum. Þriðji leikur liðsins var gegn gullliði mótsins, Rúmeníu, sem reyndist sterkari og sigraði 5–1. Þegar þarna var komið sögu var að duga eða drepast fyrir liðið ef það ætlaði sér að ná í verðlaunapening á mótinu. Liðið kom heldur betur til baka og sigraði Mexíkó örugglega 5–1 í næstsíðasta leiknum. Þá var ljóst að lokaleikurinn gegn Taipei yrði hreinn úrslitaleikur um silfrið. Sá leikur reyndist einn sá mest spennandi og skemmtilegasti leikur mótsins. Leikurinn fór í framlengingu þar sem Ísland skoraði gullmark og tryggði bæði sigur og silfur á mótinu.

Ljósmynd: Viðar Garðarsson/ÍHÍ

Fulltrúar SR stóðu sig vel að vanda

Hér er samantekt úr tölfræði mótsins fyrir leikmenn félagsins:

Friðrika Magnúsdóttir

•6 mörk og 8 stoðsendingar – þriðja stigahæst á öllu mótinu

•+12 í +/- – í 8. sæti á öllu mótinu

•68% sigur í uppkasti (faceoff) – 3. sæti á öllu mótinu

•Valin maður leiksins gegn Mexíkó

Bríet Friðjónsdóttir

•2 mörk og 5 stoðsendingar – 17. stigahæst á öllu mótinu

•+9 í +/- – í 15. sæti á öllu mótinu

•Valin maður leiksins gegn Belgíu

Kristína Ngoc

•5 mörk og 3 stoðsendingar – 10. stigahæst á öllu mótinu

•+3 í +/-

Elfur Einarsdóttir

•2 mörk

•+3 í +/-

Brynja Þórarinsdóttir

•1 stoðsending

•+9 í +/- – í 16. sæti á öllu mótinu

Ylfa Bjarnadóttir

•1 stoðsending

•+6 í +/- – í 27. sæti á öllu mótinu

•59% sigur í uppkasti (faceoff) – 6. sæti á öllu mótinu

Sýning 3. febrúar

Ásdís Rós Clark — Mon, 02 Feb 2026 13:26:59 +0000