Margt var um nýbreytni á þessum móti eins og opnunarhátið á föstudeginum þar sem þjálfarar krakkana spreyttu sig á tækniþrautum undir hvatningu sinna iðkenda. Spinner medalíurnar slógu rækilega í gegn eins og hamborgaranir sem Kjartan formaður grillaði fyrir þreytta og svanga íshokkíkrakka í mótslok.

Skautafélag Reykjavíkur þakkar SA og Birninum fyrir komuna og ekki má gleyma Melabúðinni og Velmerkt fyrir stuðninginn.

Mótið er búið að vera í undirbúningi hjá þjálfurum og foreldrafélaginu í einhvern tíma.

Nýjar treygjur voru afhentar í dag og eiga krakkarnir eftir að taka sig vel út í þeim í leikjum helgarinnar.

Við hvetjum alla til að skella sér í Laugardalinn  og fylgjast með öllum þeim 160 krökkum sem munu taka þátt í mótinu.

Dagskráin er hér að neðan.

Þjálfarinn, Alexander, ætti að vera hokkífólki kunnugur þar sem hann hefur spilað og þjálfað hjá Birninum síðustu tvö tímabil.  Hann er nú þegar potturinn og pannan í þjálfun hjá Birninum og honum fannst þetta verkefni, sem bæði SR og Björninn sameinuðust um að gera, bæði áhugavert og krefjandi. Aðstoðarþjálfarann þarf nú ekki að kynna hér á skautafelag.is þar sem flest allir ættu að þekkja hann frá störfum hans í Skautaskólanum og víðar hjá SR.  Andri hefur þjálfað hjá SR um árabil með góðum árganri.  Hann verður Alexander innan handar í vetur hjá Sameinaða kvennaliðinu.

Heimavöllur þessa liðs er bæði í Laugardal og í Egilshöll.  Æfingar fara eins fram á báðum stöðum.

Við hjá íshokkídeild Skautafélags Reykjavíkur munum að sjálfsögðu styðja vel við bakið á okkar stelpum í komandi leikum í Hertz-deild kvenna.

Fyrsti leikur sameinaðs kvennaliðs verður næstkomandi laugardag kl.16:20 í Egilshöll og við hverjum alla SR-inga og áhugafólk um íshokkí að fjölmenna í Egilshöll og hverja okkar stelpur til dáða.

Um næstu helgi verður töluverður handagangur í öskunni þar sem það verða alls 3 leikir hjá SR. Föstudaginn mætir SR Esju í Laugardalnum kl.19:45, RVK-stúlkur mæta SA Ynjum í Egilshöll kl.16:30 og kl.18:00 á laugardeginum 9. sept mun SR taka á móti SA Jötnum í Skautahöllinni í Laugardal kl.18:00.

Allir félagsmenn eru hvattir til að skella sér á þessa leiki og hvetja okkar fólk áfram!

Robbie Sigurðsson var drjúgur fyrir SR-inga einsog oft áður og skoraði gríðarlega flott mark um miðja aðra lotu.  Hann var einnig að verki í seinna marki SR þegar hann skaut frá miðju í tómt mark Bjarnarmanna undir lok þriðju lotu.  Hann hefur verið að raða inn mörkum og stoðsendingum í undanförnum leikjum. Þegar SR-hokkí spurði  hvort hann væri í beinu sambandi við hokkíguðina hunsaði hann spurninguna. Ekki mikið fyrir að vera í kastljósinu sem beinist sérstaklega að honum. Varðandi lykilinn að velgengni síðustu tveggja leikja segir hann það einfaldlega vera það að spila eins og lagt er upp með. Maður fárra orða. En hann harmar að næsti leikur sé tvær vikur inn í framtíðina því liðið sé að hitna og er á góðu flugi.

Fyrirliðinn Bjarki Reyr þakkar m.a. markverði sínum, Ævari Björnssyni, sigurinn. “Eigum ævari mikið að þakka. Við mættum bara fullir af orku og spiluðum okkar leik”.

Viktor Örn í vörninni var spurður um álagið með svona fá varnarmenn sér við hlið. “Við gerðum það líka í leiknum á móti SA, en það er mjög erfitt”. Honum fannst allir í liðinu standa sig vel og segir engan hafi gefist upp.
Richard Tahtinen gefur strákunum allan heiðurinn. Hann segir þá hafa aldrei brugðið sér frá leikplaninu og hafa fengið á sig færri brottvísanir en við eigum að venjast. Hann segir þá duglega og baráttuglaða. Varðandi framhaldið segir hann liðið ætla að spila í þessum dúr og halda áfram að leggja áherslu á þau atriði sem lagt hefur verið upp með í allan vetur.

Hér að neðan má sjá viðtal við Ævar Þór Björnsson, markmann meistaraflokks.

SR mætir Esju næstkomandi Laugardag, 19. nóvember, kl. 18:45. Þar er á ferðinni lið sem flestir segja líklegastir í dolluna í ár. Daginn eftir fær SR Skautafélag Akureyrar aftur í heimsókn, en þeir unnu Esju nokkuð auðveldlega fyrr í vikunni. Þess vegna leikur SRhokkí forvitni á að vita hvað sé að gerast hjá okkar mönnum hvernig þeir ætla inn í leiki helgarinnar.

Þessi leikur var mikil vonbrigði fyrir stuðningsfólk

Richard Tahtinen var fljótur að benda á þá staðreynd að Björninn er stærra og þyngra lið, sem útskýrir að hluta til af hverju SR tapar svona mörgum 1-á-1 baráttum. “Þrátt fyrir það þá þurfum við að vera betri í að nýta hraðann okkar í sókninni og þegar við pressum andstæðinginn á sínu svæði.” Hann segir einnig að vörnin þurfi að verða klókari og skipulagðari. “Hún er að gefa andstæðingnum allt of mikið pláss og tíma til athafna.” Þjálfarinn segir þetta eina forsenda þess að liðið vinni leiki.

Fyrir leikinn ætlaði SR að sýna meiri yfirvegun til að forðast skammakrókinn, gæta þess að missa ekki pökkinn og spila betur úr eigin svæði og yfir í sóknina. Ekkert af þessu gekk eftir

Við höfum verið að vinna í öllu ofangreindu í vetur. Þetta er ungt lið og fæstir leikmanna okkar eru með mikla reynslu. Þegar þú ert aðlæra eitthvað nýtt, þá er eftirfarandi yfirleitt trendið; þú spilar eftir bókinni einn leik en í þeim næsta ferðu út fyrir handritið. Vinnan mín felst í því að halda áfram að hamra á sama naglanum þangað til hann er varanlega fastur. Og þá er ég að tala um að halda leiknum einföldum og að við einbeitum okkur að markmiðunum sem við höfum sett okkur.

Robbie Sigurðsson segir að liðið hafi ekki skautað af nægilega mikilli áfergju og verið of seint. Hann vill að þeir leggi harðar að sér til að vinna í 1-á-1aðstæðum og haldi eða nái pekkinum þannig. Varðandi stærðarmun liðann, segir hann að auðvitað skipti það máli,“En hún segir ekki alla söguna. Þú verður að lesa vel í leikinn og spilið og bregðast rétt við.” 

Varðandi Esju segir Robbie SR þurfa vera andlega klára og yfirvegaða. En þegar kemur að SA þá þarf liðið hans að vera tilbúið í að leggja enn harðar að sér en áður. 

Robbie segist að lokum vera sammála þjálfara sínum um að þau markmið sem SR setti sér gegn Birninum hafi ekki gengið upp. Hann segir ennfremur að liðið verði búið að taka á þessu fyrir helgina.

SR-LEIKIR HELGARINNAR Í HERTZ-DEILDINNI Í ÍSHOKKÍ

Laugardaginn 19. nóvember ESJA – SR kl 18:45 í Skautahöllinni Laugardal. MFLKK – 1000kr. inn – ÓKEYPIS fyrir 16 ára og yngri.

Laugardaginn 19. nóvember YNJUR – SR kl 16:30 í Skautahöllinni á Aukureyri.

Sunnudaginn 20. nóvember SR – SA kl 19:00 í Skautahöllinni Laugardal. MFLKK – 1000kr. inn – ÓKEYPIS fyrir 16 ára og yngri.

SRingar komu full afslappaðir inn í leikinn og Bjarnarmenn komust yfir, einum fleiri á ís, með marki Kristjáns Alberts þegar rúmar ellefu mínútur voru liðnar af leiknum. Leiðinda atvik varð þegar Robbie Sigurdsson, einn af lykilmönnum okkar, virtist fá kylfu í andlitið og skarst á tungunni og þurfti að bruna með hann á slysadeild. Hann átti þó eftir að láta til sín taka síðar í leiknum. Þegar hálf mínúta var eftir af fyrsta leikhluta koma Úlfar Andrésson Bjarnarmönnum síðan í 2-0. Afar klaufalegt hjá okkar mönnum þar sem þeir voru einum fleiri á ísnum þegar þetta gerðist.

Eitthvað hefur Richard þjálfari látið drengina heyra það í leikhléinu þar sem menn virtust koma mun betur stemmdir til leiks í öðrum leikhluta. Endurkoma Robbie af slysó, og nú með heila grind fyrir andlitinu, hafði örugglega jákvæð áhrif. Leikhlutinn var þó nokkuð tíðindalítill en létu liðsmenn beggja liða kasta sér í refsiboxið til skiptis. SR náði að verjast þrír á móti fimm í næstum tvær mínútur, glæsilega gert.

Þriðji leikhluti leiksins verður vonandi til þess að kynda aðeins í mönnum og bæta sjálfstraustið eftur heldur magurt gengi undanfarið.

Skemmst er frá því að segja að Bjarnarmenn bættu við tveimur mörkum á fyrst fjórum mínútunum. Útlitið var vægast sagt ekki gott. Bjarnarmenn komu sér í veruleg vandræði með því að láta reka sig út af og náðu SRingar að setja inn mark 5 á móti 3. Þar var að verki Robbie Sigurdsson með aðstoð Jan Kolibar og Milosar.

Fjórum mínútum síðar kom Herman Oldrich pekkinum yfir línuna eftir mikla þvögu í teig Bjarnarmanna. Staðan 4-2. Hörku kraftspils mark hjá strákunum.

Áfram var sótt og Jan skorar glæsilegt bakhandarmark af stuttu færi. 4-3 og hjörtu SRinga á pöllunum farin að slá heldur hratt.

Bjarnarmönnum tókst síðan að næla sér í tvær brottvísarnir með stuttu millibili og SR því tveim mönnum fleiri. Skemmst frá því að segja að SRingar voru staðráðnir í að nýta sér liðsmuninn og Jan skoraði sitt annað mark í leiknum með skoti af nokkru færi. 4-4 og innan við mínúta eftir.

Þegar örfáar sekúndur voru eftir af leiknum slapp Falur bjarnarmaður í gegn en Ævar sá við honum og í því var flautað og framlenging raunin.

Í framlengingunni sóttu liðin til skiptis og bæði hefðu með sönnu getað gert út um leikinn. Það hafðist þó ekki og vítakeppni raunin.

Ævar varði vítið frá Fal og Guðna svo átti Robbie skot í þverslána, Brynjar Bergmann skoraði fyrir Björninn og Ómar, markvörður Bjarnarins varði frá Jan Kolibar. Það var síðan Úlfar Andrésson sem skoraði sigurmarkið.

Loksins sýndu okkar menn sitt rétta andlit og karakter. Það er alltaf ferlega fúlt að tapa, en miðað við gengið undanfarið þá fögnum við stiginu og vonum til þess að þetta blási mönnum í brjóst.

Nú tekur við tveggja vikna leikja pása hjá okkur. Ágætt að fá smá tíma til að fínstilla þau atriði sem þarf að laga.

myndina sem fylgir fréttinni tók Gunnar Jónatansson