Um næstu helgi verður töluverður handagangur í öskunni þar sem það verða alls 3 leikir hjá SR. Föstudaginn mætir SR Esju í Laugardalnum kl.19:45, RVK-stúlkur mæta SA Ynjum í Egilshöll kl.16:30 og kl.18:00 á laugardeginum 9. sept mun SR taka á móti SA Jötnum í Skautahöllinni í Laugardal kl.18:00.

Allir félagsmenn eru hvattir til að skella sér á þessa leiki og hvetja okkar fólk áfram!

Í kjöri til formanns var einn í framboði, Sigurður G. Kristinsson, og var hann því sjálfkjörinn.  Ragna Þóra heldur áfram sem gjaldkeri, Sandra Björk Jóhannsdóttir var kjörin ritari.  Kjartan Hjaltested og Leon hafsteinsson voru sjálfkjörnir fulltrúar deildanna í stjórn Skautafélagsins.

Undirritaður þakkar stjórnum deildanna fyrir samstarfið á liðnum árum og óskar nýjum formanni og nýrri stjórn velfarnaðar.  Sjálfur ætla ég að einbeita mér að störfum fyrir stjórn ÍHÍ og þá aðalega landsliðsnefnd og þjálfa yngri flokka SR í íshokkí.

Helgi Páll Þórisson
Fráfarandi formaður Skautafélags Reykjavíkur

En hvað sem því líður ætla SR-ingar að mæta grjótharðir til leiks og ætla ekki að gefa neitt eftir.  Flestir leikmenn eru heilir og Bjarki Reyr er kominn til baka úr útlegð í Asíu og það verður spennandi að sjá hvað trix hann hefur lært þar ytra.

Mætum öll í Skautahöllina í Laugardal og styðjum við bakið á strákunum okkar!  Leikurinn hefst kl.19:45!

Robbie Sigurðsson var drjúgur fyrir SR-inga einsog oft áður og skoraði gríðarlega flott mark um miðja aðra lotu.  Hann var einnig að verki í seinna marki SR þegar hann skaut frá miðju í tómt mark Bjarnarmanna undir lok þriðju lotu.  Hann hefur verið að raða inn mörkum og stoðsendingum í undanförnum leikjum. Þegar SR-hokkí spurði  hvort hann væri í beinu sambandi við hokkíguðina hunsaði hann spurninguna. Ekki mikið fyrir að vera í kastljósinu sem beinist sérstaklega að honum. Varðandi lykilinn að velgengni síðustu tveggja leikja segir hann það einfaldlega vera það að spila eins og lagt er upp með. Maður fárra orða. En hann harmar að næsti leikur sé tvær vikur inn í framtíðina því liðið sé að hitna og er á góðu flugi.

Fyrirliðinn Bjarki Reyr þakkar m.a. markverði sínum, Ævari Björnssyni, sigurinn. “Eigum ævari mikið að þakka. Við mættum bara fullir af orku og spiluðum okkar leik”.

Viktor Örn í vörninni var spurður um álagið með svona fá varnarmenn sér við hlið. “Við gerðum það líka í leiknum á móti SA, en það er mjög erfitt”. Honum fannst allir í liðinu standa sig vel og segir engan hafi gefist upp.
Richard Tahtinen gefur strákunum allan heiðurinn. Hann segir þá hafa aldrei brugðið sér frá leikplaninu og hafa fengið á sig færri brottvísanir en við eigum að venjast. Hann segir þá duglega og baráttuglaða. Varðandi framhaldið segir hann liðið ætla að spila í þessum dúr og halda áfram að leggja áherslu á þau atriði sem lagt hefur verið upp með í allan vetur.

Hér að neðan má sjá viðtal við Ævar Þór Björnsson, markmann meistaraflokks.

Richard Tahtinen þjálfari tók í sama streng. “Þegar pökkurinn snertir ísinn í fyrsta skiptið í kvöld þá er allur fókusinn á þeim leik og athygli okkar berst að því sem raunverulega skiptir máli í kvöld, sem eru smáatriðin, kerfið sem við viljum spila og hvernig við högum okkur á ísnum.”

Stuttu áður en dómari ræsti leikinn sagði Bjarki Reyr fyrirliði að það væri “virkilega góð stemning í liðinu eftir hörku rútuferð. Við stefnum að sjálfsögðu á sigur!” Og úrslitin bera þess glöggt vitni. SA vann með tveimur mörkum gegn einu marki Kára Guðlaugs. Tæpara mátti það ekki standa.
SR-ingar tóku sig á í þessum leik hvað villuvandræði varðar. Svo mikið reyndar að enginn sat í skammakróknum í síðust lotunni, en samt börðust þeir hart til að jafna. Richard þjálfari hafði einmitt lagt upp með slíkan aga í huga. “Strákarnir mega ekki láta mótherja sína koma sér úr andlegu jafnvægi og enda þannig í skammakróknum vegna pirrings og skilja þá sem sem á ísnum eru eftir einum færri.” Þetta gekk svo upp.

En kraftspilsmark Andra Mikaelssonar í annari lotu hélt út leikinn. Tómas Ómarsson lék ekki með SR í þessum leik og munar um minna hvað vörnina snertir. Vonandi fáum við hann til baka sem fyrst.

Bjarki Reyr var nokkuð brattur í lok leiks og þrátt fyrir ósigursóbragð þá teldi hann tilfinninguna í liðinu góða.
“Við erum nokkuð sáttir með leikinn í heildina. Auðvitað lika fullt sem má bæta og eftir svona jafnan og skemmtilegan leik getur sigurinn alltaf endað báðum megin,” sagði fyrirliðinn keikur að lokum.

Nánar um leikinn hér
SA-SR leikur 8. nóvember 2016

Mynd: Elvar Freyr Pálsson

SRingar komu full afslappaðir inn í leikinn og Bjarnarmenn komust yfir, einum fleiri á ís, með marki Kristjáns Alberts þegar rúmar ellefu mínútur voru liðnar af leiknum. Leiðinda atvik varð þegar Robbie Sigurdsson, einn af lykilmönnum okkar, virtist fá kylfu í andlitið og skarst á tungunni og þurfti að bruna með hann á slysadeild. Hann átti þó eftir að láta til sín taka síðar í leiknum. Þegar hálf mínúta var eftir af fyrsta leikhluta koma Úlfar Andrésson Bjarnarmönnum síðan í 2-0. Afar klaufalegt hjá okkar mönnum þar sem þeir voru einum fleiri á ísnum þegar þetta gerðist.

Eitthvað hefur Richard þjálfari látið drengina heyra það í leikhléinu þar sem menn virtust koma mun betur stemmdir til leiks í öðrum leikhluta. Endurkoma Robbie af slysó, og nú með heila grind fyrir andlitinu, hafði örugglega jákvæð áhrif. Leikhlutinn var þó nokkuð tíðindalítill en létu liðsmenn beggja liða kasta sér í refsiboxið til skiptis. SR náði að verjast þrír á móti fimm í næstum tvær mínútur, glæsilega gert.

Þriðji leikhluti leiksins verður vonandi til þess að kynda aðeins í mönnum og bæta sjálfstraustið eftur heldur magurt gengi undanfarið.

Skemmst er frá því að segja að Bjarnarmenn bættu við tveimur mörkum á fyrst fjórum mínútunum. Útlitið var vægast sagt ekki gott. Bjarnarmenn komu sér í veruleg vandræði með því að láta reka sig út af og náðu SRingar að setja inn mark 5 á móti 3. Þar var að verki Robbie Sigurdsson með aðstoð Jan Kolibar og Milosar.

Fjórum mínútum síðar kom Herman Oldrich pekkinum yfir línuna eftir mikla þvögu í teig Bjarnarmanna. Staðan 4-2. Hörku kraftspils mark hjá strákunum.

Áfram var sótt og Jan skorar glæsilegt bakhandarmark af stuttu færi. 4-3 og hjörtu SRinga á pöllunum farin að slá heldur hratt.

Bjarnarmönnum tókst síðan að næla sér í tvær brottvísarnir með stuttu millibili og SR því tveim mönnum fleiri. Skemmst frá því að segja að SRingar voru staðráðnir í að nýta sér liðsmuninn og Jan skoraði sitt annað mark í leiknum með skoti af nokkru færi. 4-4 og innan við mínúta eftir.

Þegar örfáar sekúndur voru eftir af leiknum slapp Falur bjarnarmaður í gegn en Ævar sá við honum og í því var flautað og framlenging raunin.

Í framlengingunni sóttu liðin til skiptis og bæði hefðu með sönnu getað gert út um leikinn. Það hafðist þó ekki og vítakeppni raunin.

Ævar varði vítið frá Fal og Guðna svo átti Robbie skot í þverslána, Brynjar Bergmann skoraði fyrir Björninn og Ómar, markvörður Bjarnarins varði frá Jan Kolibar. Það var síðan Úlfar Andrésson sem skoraði sigurmarkið.

Loksins sýndu okkar menn sitt rétta andlit og karakter. Það er alltaf ferlega fúlt að tapa, en miðað við gengið undanfarið þá fögnum við stiginu og vonum til þess að þetta blási mönnum í brjóst.

Nú tekur við tveggja vikna leikja pása hjá okkur. Ágætt að fá smá tíma til að fínstilla þau atriði sem þarf að laga.

myndina sem fylgir fréttinni tók Gunnar Jónatansson

Það verður ókeypis fyrir stelpur á öllum aldri í öllum skautahöllum landsins. Á staðnum geta áhugasamir fengið hokkískauta, hlífar, hjálma og kylfi og prófað og fengið tilfinninguna fyrir ekta íshokkí. Það skemmtilega við þetta er að liðsmenn Íslenska landsliðsins verða á staðnum til að aðstoða, leiðbeina og uppfræða þátttakendur um íþróttina, grundvallaratriði iðkunnar, félögin o.s.frv. Hægt verður að fá myndir af sér með þessum fræknu kempum. Því er ljóst að það verður mikil stemning á þessum hokkídegi og hvetjum við allar stelpur og konur til að mæta og kynna sér málið. Það er aldrei of seint að prófa. Það er aldrei of seint að byrja íshokkí!

Skemmtilegur dagur sem getur ekki klikkað. Fjölmennum sunnudaginn 9. september!

SRhokkí er með hugmynd að myllumerki fyrir ljósmyndir ef fólk vill deila þeim með okkur á helstu samfélagsmiðlunum. Notum #stelpuhokkídagur og #WGIHW.

Streymt á Facebook!

Gerð var sú tilraun í gærkvöld að streyma leik kvöldsins á Facebook og var leikurinn jafntfram tekinn upp. Áætlað að rúmlega 2000 manns hafi séð færsluna og rétt rúmlega 600 spilarnir voru gerðar á leiknum.  Þáttaka áhorfenda var skemmtileg viðbót við annars ágætlega heppnaða tilraun.  Hægt er að sjá leikinn í heild sinni hér að neðan.