Richard Tahtinen þjálfari tók í sama streng. “Þegar pökkurinn snertir ísinn í fyrsta skiptið í kvöld þá er allur fókusinn á þeim leik og athygli okkar berst að því sem raunverulega skiptir máli í kvöld, sem eru smáatriðin, kerfið sem við viljum spila og hvernig við högum okkur á ísnum.”

Stuttu áður en dómari ræsti leikinn sagði Bjarki Reyr fyrirliði að það væri “virkilega góð stemning í liðinu eftir hörku rútuferð. Við stefnum að sjálfsögðu á sigur!” Og úrslitin bera þess glöggt vitni. SA vann með tveimur mörkum gegn einu marki Kára Guðlaugs. Tæpara mátti það ekki standa.
SR-ingar tóku sig á í þessum leik hvað villuvandræði varðar. Svo mikið reyndar að enginn sat í skammakróknum í síðust lotunni, en samt börðust þeir hart til að jafna. Richard þjálfari hafði einmitt lagt upp með slíkan aga í huga. “Strákarnir mega ekki láta mótherja sína koma sér úr andlegu jafnvægi og enda þannig í skammakróknum vegna pirrings og skilja þá sem sem á ísnum eru eftir einum færri.” Þetta gekk svo upp.

En kraftspilsmark Andra Mikaelssonar í annari lotu hélt út leikinn. Tómas Ómarsson lék ekki með SR í þessum leik og munar um minna hvað vörnina snertir. Vonandi fáum við hann til baka sem fyrst.

Bjarki Reyr var nokkuð brattur í lok leiks og þrátt fyrir ósigursóbragð þá teldi hann tilfinninguna í liðinu góða.
“Við erum nokkuð sáttir með leikinn í heildina. Auðvitað lika fullt sem má bæta og eftir svona jafnan og skemmtilegan leik getur sigurinn alltaf endað báðum megin,” sagði fyrirliðinn keikur að lokum.

Nánar um leikinn hér
SA-SR leikur 8. nóvember 2016

Mynd: Elvar Freyr Pálsson

SR Fálkar unnu þrjá leiki en tapaði einum gegn SA Víkingum. SR tapaði báðum leikjum sínum við SA en unnu Björninn í tvígang. Flottur árangur hjá okkar fólki. Verður fróðlegt að sjá hvort þau næli sér í dolluna í lok tímabils. Við höfum tröllatrú á því. En það sem skiptir mestu er að skemmta sér vel og gera sitt besta. Það finnst okkur mest um hjá Skautafélagi Reykjavíkur!

SRhokkí náði tali af Arnari Smára Karvelssyni, hinum 11 ára gamla miðjumanni. Hann spilar fyrir SR Fálka og gerir það vel. Hann sagðist ánægður mið liðsheild Fálka, “Við spiluðum saman eins og lið.” Hann talaði ennfremur um að vörnin hafi bætt sig mikið og það sé mikilvægt. Varðandi hluti sem þarf að vinna í til að ná betri árangri, nefndi hann skiptingarna. Arnar vill að þær séu styttri. Góð pæling hjá okkar manni.
Að síðustu spurðum við hvernig hann ætli að undirbúa sig fyrir næstu lotu íslandsmótsins. Það stóð ekki á hnitmiðuðu svarinu. “Ég ætla að æfa mig eins mikið og ég get til að verða hraðari.” Flugbeittur og ákveðinn, hann Arnar Smári.

Framtíðin er björt hjá öllum SR krökkum. Áfram SR!

Myndir: Elín María og Arna Rúnars.

Það eru margir bjartir punktar í spilum SR þessa dagana. Byrjum á nýjum þjálfara. Richard Tahtinen er aðalþjálfari liðsins og SR-ingum að góðu kunnur. Nú er hann kominn aftur.

Þú, verandi SR í gegn, getur sagt okkur frá því hvað hann er að koma með inn í liðið, samanborið við fyrri þjálfara. Hvernig lýst ykkur á kallinn?

“Flestir í liðinu þekktu Richard áður enn hann hóf störf í sumar, hann þjálfaði marga okkar þegar við vorum yngri og þekkir okkur sem leikmenn. Ég held að flestir hafi verið sáttir með að heyra að hann myndi þjálfa okkur í vetur í stað Bandaríkjamannsins sem ætlaði að koma. Bæði vegna þess að það þekkti engin til hans en allir þekkja Richard og kunna að meta hann sem þjálfara.”

Fljótt á litið virðist SR vera með yngsta liðið í deildinni í ár og þjálfarinn notar mikið yngstu strákana. Hver er þín tilfinning fyrir þessum nýja kjarna? Hvað einkennir þá og er öðruvísi í samanburði við elstu kempur liðsins?

“Ungt lið býður upp á bjarta framtíð. Ungir og efnilegir strákar eru að fá að spila, safna reynslu og bæta sig. Reynsluboltarnir spila auðvitað stórt hlutverk í leik liðsins og við að byggja upp yngri leikmenn. Ég er mjög jákvæður fyrir þessu og það er góður andi í liðinu.”

Eins og áður segir þá eru ljósir punktar, t.d. ungur mölli sem verður brátt reiðubúinn í að bítast um krúnuna við Ævar markmann. En eitthvað segir mér að þú sért ekki ánægður með stigafjöldan sem af er? Hvað þarf SR að gera til að stoppa lekann og klára leiki?

“Arnar, oft kallaður kötturinn, hefur margsannað hvað hann er hraður og sterkur markmaður og það verður vissulega hart barist um markvarðarstöðuna á þessu og komandi tímabilum. Við erum búnir að fá mikið af mörkum á okkur í síðustu leikjum en ég held að það sé lítið hægt að kenna markmönnunum um það heldur meira varnarleik liðsins í heild sinni. Það er auðvitað eitthvað sem við erum að tala um, æfa og bæta.”

Fyrir lesendur sem þekkja ekki til, getur þú tilgreint erlenda leikmenn sem eru hjá okkur þátt þeirra í leik liðsins?

“Milos Racanský er frá Tékklandi og þetta er fjórða tímabilið hans hjá SR. Hann er virkilega hraður og skemmtilegur leikmaður.  Robbie Sigurðsson (aðstoðarfyrirliði) er hálfur Íslendingur sem ólst upp í Ameríku. Hann er núna að spila þriðja tímabilið sitt í röð fyrir SR og er tekknískur og góður “playmaker”.  Jan Kilibár er frá Tékklandi. Hann er mikilvæg viðbót við liðið sem stór og sterkur varnarmaður.  Oldrich Herman (“Bakarinn”) er einnig frá Tékklandi. Hann kom til landsins til að vinna sem bakari og ákvað koma og spila fyrir SR. Hann er reynslumikill og góður leikmaður.  Josh Popsie er Ameríkani sem kom til landsins sem starfsmaður IcelandAir. Hann er búinn að vera æfa með okkur sem markmaður og vera á bekknum í leikjum, Rikka til aðstoðar.”

Hvaða lið er SR erfiðast og hvaða leikmann finnst þér skemmtilegast að eiga við?

“Það er erfitt að svara þessari spurningu. Mikill munur er á okkur eins og hinum liðunum á milli leikja og lítið er búið af tímabilinu. Stærsta tapið okkar var gegn Birninum en vonandi snýst það við þegar líður á tímabilið. Ætli mér persónulega finnist ekki skemmtilegast að kljást við gömlu SR-ingana í Esjunni.”

Tímabilið 2013 til 2014 var eftirminnilegt.

“Það tímabil byrjaði nú ekkert alltof vel frekar en þetta en við héldum áfram og bættum okkur. Þa vorum við líka með eldra lið og sterka útlendinga í vörninni. Það small bara allt saman seinni part tímabils.”

Úrslitarimman núna verður…?

“Skautafélag Reykjavíkur gegn UMFK Esja.”

Tiltölulegt jafnræði var með liðunum í fyrsta leikhluta og eitthvað yfir í aðra. Ákefð Bjarnarins var slík að margir leikmanna þeirra enduðu í skammakróknum og þar með spiluðu SR-ingar einum til tveimur leikmönnum fleirri nokkrum sinnum í leiknum án þess að geta fært sér það almennilega í nyt.  SR-ingar misstu svo einn lykilmanna sinna, Miloslav Racansky, út af vegna meiðsla (pökkur í andlit) og virtist sá missir ásamt pressu Bjarnarins slá okkar menn út af laginu. Þrátt fyrir markmannsskipti SR-inga og villuvandræði Bjarnarins, þá komast Grafarvogsliðið á bragðið, stakk heimamenn af og unu sér ekki hvíldar fyrr en staðan var orðin 2 – 8 og dómari flautaði til leiksloka.

Það var töluverður hiti í mönnum allan leikin eins og verða vill þegar þessi lið mætast. Eins og áður segir gátu SR-ingar ekki nýtt sér power play sín, misstu pökkin oft í sínu svæði og sérstaklega á svæði Bjararins og stóðust ekki frampressu gestanna. Því fór sem fór.  Ljósasti punkturinn í þessu öllu saman er sá að Richard Tahtinen, þjálfari SR, keyrði töluvert á yngstu sóknarlínu sinni í þriðja leikhluta og náðu þessir ungu strákar upp góðu spili og pressu Bjarnarmegin og ullu þannig töluverðum usla í vörn sigurvegaranna. Annar ljós punktur er svo afar góð mæting stuðningsmanna beggja liða.