Hlutverkið sameinar tæknilega þjálfun, markvissa tímabilsáætlanagerð og leiðbeinandi stuðning (mentorship) með ríka áherslu á þróun íþróttafólks og árangur í keppni. Markmiðið er að byggja upp öflugt og sjálfbært umhverfi þar sem iðkendur geta dafnað bæði innan og utan íssins.

Performance Coach and Development Mentor mun starfa í nánu samstarfi við Sport Director félagsins, sem áfram ber meginábyrgð á skipulagi og heildarstefnu starfsins. Hlutverkið er ætlað að styðja við þá vinnu með aukinni eftirfylgni, þróun og faglegri uppbyggingu innan afreksstarfsins.

Nýja hlutverkið styður sérstaklega við markmið félagsins um að vera

„Góður þjálfari fyrir alla“ og mun leggja áherslu á:

• Betra skipulag, upplýsingaflæði og eftirfylgni
• Stöðugar umbætur í starfi og þjónustu við iðkendur
• Áframhaldandi þróun verkefna á borð við CCQ gæðastjórnunarkerfið
• Skauta fyrir alla – jákvætt og heilbrigt umhverfi sem styður bæði andlega og líkamlega heilsu
• Frekari styrkingu keppnislínu með aukinni þjálfarauppbyggingu

Performance Coach and Development Mentor mun einnig styðja við þróun þjálfarateymis, samskipti innan félagsins og langtímaáætlanir um framfarir og árangur.

Guillaume Kermen (Giom), sem tekur að sér hlutverkið kemur með yfir 25 ára reynslu af þjálfun og uppbyggingarstarfi á afreksstigi, ásamt alþjóðlegri reynslu frá meðal annars Íslandi, Svíþjóð, Ítalíu, Frakklandi og Finnlandi. Þá býr viðkomandi yfir menntun í executive coaching og meistaragráðu sem nýtist vel í uppbyggingu faglegs og metnaðarfulls starfsumhverfis.

Með þessu nýja skrefi undirstrikar Skautafélag Reykjavíkur metnað sinn til að efla afreksstarf, skapa heilbrigt og styðjandi umhverfi fyrir alla iðkendur og byggja sterkan grunn fyrir framtíð félagsins.

Dagskrá aðalfundar samkvæmt lögum félagsins
1. Kosinn fundarstjóri og fundarritari.
2. Lesin upp fundargerð síðasta aðalfundar.
3. Lögð fram skrifleg skýrsla aðalstjórnar og skýrslur deilda.
4. Lagðir fram endurskoðaðir reikningar aðalstjórnar ásamt endurskoðuðum reikningum einstakara deilda miðaðir við almanaksárið.
5. Umræður um skýrslu og reikninga aðalstjórnar. Reikningar aðalstjórnar bornir upp til samþykktar.
6. Kosningar.
I. Kosning formanns til tveggja ára.
II. Kosning gjaldkera og ritara til eins árs.
III. Kosning tveggja varamanna í aðalstjórn til eins árs.
IV. Kosning tveggja skoðunarmanna til eins árs.
7. Lagabreytingar.
8. Önnur mál.

Á aðalfundi ræður meirihluti atkvæða úrslitum mála. Til þess að breyta lögum félagsins þarf þó tvo þriðju hluta greiddra atkvæða.

Lagabreytingartillögur skulu berast aðalstjórn minnst einni viku fyrir aðalfund. Enginn getur farið með nema eitt atkvæði á aðalfundi. Aðalfundur félagsins hefur æðsta vald í öllum málum þess.

Framboð til stjórnar skulu berast ritara stjórnar Jóhönnu Þorkelsdóttur, johannahelga@gmail.com.

Lögð voru fram uppfærð lög félagsins sem voru samþykkt af fundargestum. Kristín Skjaldardóttir frá Samskiptaráðgjafa íþrótta- og æskulýðsstarfs kynnti viðbragðsáætlun við ofbeldi, einelti, slysum og öðru sem gæti komið upp innan íþróttafélags. Samþykkt var á fundinum að félagið fylgi þessari áætlun í sínum störfum, eins og ÍSÍ hefur lagt til við íþróttahreyfinguna í heild.

Ný stjórn var sjálfkjörin þar sem engin mótframboð bárust.
Friðjón B. Gunnarsson var endurkjörinn formaður.
Bjarni Helgason var endurkjörinn varaformaður.
Atli Þór Árnason var kjörinn ritari og kemur nýr í stjórn.
Guðmundur Logi Norðdahl var endurkjörinn í meistaraflokksráð karla.
Karen Eiríksdóttir var kjörin í meistaraflokksráð kvenna og kemur aftur í stjórn eftir árs hlé.
Marta Joy Hermannsdóttir var endurkjörin í barna- og unglingaráð.
Ásgerður Fjóla Friðbjarnardóttir var kjörin meðstjórnandi, var áður varamaður.
Bjarni Eyvinds Þrastarson var kjörinn meðstjórnandi, var áður varamaður.
Sigurður Jóhann Stefánsson var kjörinn meðstjórnandi, var áður varamaður.

Engin framboð bárust í hlutverk gjaldkera en stjórn hefur heimild til að skipa einstakling í það hlutverk þegar hentugur aðili finnst.

Félagið vill koma á framfæri þakklæti til fráfarandi stjórnarfólks: Elísabetar Stefánsdóttur, Benediktu Kristjánsdóttur, Pálín Helgadóttur og Ástu Særós Haraldsdóttur.

Hér er samantekt úr tölfræði mótsins fyrir leikmenn félagsins.  Yfirlit yfir leiki liðsins á mótinu má finna neðst í fréttinni ásamt myndum af SR-ingum á mótinu.

Teresa Snorradóttir

– 2 mörk og 1 stoðsending, önnur markahæst í liði Íslands
– 22% skotnýting, sú besta í liði Íslands
– í 2.-4 sæti yfir stigahæstu leikmenn liðsins

Friðrika Magnúsdóttir
– 1 mark og 2 stoðsendingar
– í 2.-4. sæti yfir stigahæstu leikmenn liðsins
– í 2.-3. sæti yfir stoðsendingar í liði íslands

– Kom aftur inn í landsliðshópinn eftir hlé

Eins og áður kom fram endaði liðið í 5. sæti en Norður-Kórea dróg sig úr keppni því aðeins 5 lið á mótinu í stað 6. Liðið fellur samt sem áður niður um deild og spilar því í B riðli 2. deildar að ári.

Í fyrsta leiknum gegn gestgjöfunum frá Slóveníu lenti liðið undir 3-0 en skoraði síðan fjögur ósvöruð mörk frá lok annars leikhluta. Sigurmarkið kom rétt fyrir leikslok. Þetta var klárlega langbesta frammistaða liðsins á mótinu. Næsti leikur var gegn Póllandi sem reyndist langsterkasta liðið í ár og tók gullið mjög örugglega. Ísland komst yfir í byrjun leiks en eftir það lá Pólland nánast í sókn það sem eftir lifði leiks og náðu að jafna strax í fyrstu lotu. Ísland varðist hetjulega og hélt leiknum jöfnum allt þar til í þriðja leikhluta þegar stíflan brast og Pólland setti þrjú mörk síðustu tíu mínútur leiksins, þarf af eitt í tómt markið. Pólland átti 49 skot á mark gegn 10 skotum Íslands. Þriðji leikur liðsins var gegn Áströlum sem reyndust sterkari en okkar konur og sigruðu nokkuð örugglega 4-1.

Síðasta leikur liðsins var því úrslitaleikur um hvort liðið, Íslands eða Tævan, myndi verma botnsætið eða hvort myndi næla sér í brons. Ísland var klárlega sterkari og sótti meira en það var hins vegar Tævan sem skoraði fyrst og var komið í 2-0 í byrjun annarrar lotu. Ísland minnkaði fljótlega muninn í 2-1. Liðin skoruðu sitthvort markið í viðbót áður en annarri lotu lauk. Ísland náði svo loks að jafna rétt fyrir leikslok með auka sóknarmanni á kostnað markmanns. Ekkert mark var skorað í framlengingu og þurfti því vítakeppni til að skera úr um úrslit. Ekki tókst Íslandi að skora í vítakeppninni en Tævan setti tvö og tók því aukastigið. Tævan, Ástralía og Ísland enduðu öll með fjögur stig en óhagstæð innbyrðis úrslit urðu til þess að Ísland endaði neðst af þeim þremur.

Greinin hefur verið uppfærð.

Kári Arnarsson maður mótsins úr liði Íslands tekur við Tissot úri í verðlaun.

Liðið mun klárlega byggja á góðu gengi fyrrihluta móts og læra af síðustu tveimur leikjunum fyrir næsta tímabil og vera þar í baráttunni um gullið. Mótið fór fram í Sofiu í Búlgaríu dagana 6.–12. apríl sl.

Hér er samantekt úr tölfræði mótsins fyrir leikmenn félagsins. SR-ingar komu mjög mikið við sögu og áttu 14 af 21 marki liðsins. Yfirlit yfir leiki liðsins á mótinu má finna neðst í fréttinni ásamt myndum af SR-ingum á mótinu.

Kári Arnarsson

– Maður mótsins úr liði Íslands
– 2 mörk og 6 stoðsendingar, stigahæstur Íslendinga á mótinu og 10. stigahæstur allra
– Efstur allra á mótinu í sigrum í uppkasti, 63.22%
– +3 í +/-

Alex Sveinsson

– 3 mörk og 2 stoðsendingar
– Í 2. sæti yfir markahæstu leikmenn Íslands ásamt Hákoni og Gunnlaugi
– +4 í +/- í 12.–14 sæti allra á mótinu

Hákon Magnússon

– 3 mörk og 2 stoðsendingar
– Í 2. sæti yfir markahæstu leikmenn Íslands ásamt Alex og Gunnlaugi

Styrmir Maack

– 2 mörk og 3 stoðsendingar
– +4 í +/- í 12.–14 sæti allra á mótinu

Gunnlaugur Þorsteinsson

– Valinn maður leiksins gegn Nýja Sjálandi
– 3 mörk
– Í 2. sæti yfir markahæstu leikmenn Íslands ásamt Alexi og Hákon
– +2 í +/-

Eggert Þorgilsson

– 1 mark og 2 stoðsendingar
– +3 í +/-

Níels Hafsteinsson

– 3 stoðsendingar
– +3 í +/-

Liðið mætti Taípeí í fyrsta leik og landaði þar nokkuð örugglega 6–5 sigri þótt andstæðingarnir hafi gert heiðarlega atlögu með tveimur mörkum á síðustu mínútum leiksins. Í öðrum leik mætti liðið Nýja-Sjálandi þar sem sigurinn var aldrei í hættu, 6-2 var lokaniðurstaðan. Í þriðja leik var andstæðingurinn Kyrgistan sem veitti harða mótspyrnu en góð vörn og markvarsla tryggði annan góðan sigur, 6–3.

Þegar þar var komið við sögu var Ísland með þrjá sterka sigra í röð og sex mörk skoruð í þeim öllum. Þar sem Ísrael hafði tapað stigum í tveimur viðureignum sínum þurfti Ísland bara einn sigur í viðbót til að landa gullinu. Það reyndist þó erfiðara en að segja það.

Næst síðasti leikurinn var gegn búlgörsku gestgjöfunum sem enn voru án sigur og liðið hafði mætt og sigrað 10–2 í æfingaleik fyrir mótið. Þeir reyndust eiga sinn besta leik á mótinu og sigruðu nokkuð óvænt 3–1 en þriðja markið kom í tómt netið þegar Ísland freistaði þess að jafna með fleiri sóknarmönnum.

Það þýddi að úrslitaeinvígi yrði í lokaleiknum gegn Ísrael sem hefur oft reynst landsliðum Íslands erfiður ljár í þúfu. Það reyndist líka raunin og 5–2 tap varð staðreynd. Nýja Sjáland nýtti tækifærið og hoppaði um leið yfir Ísland í stigum og stal silfrinu. Þótt Ísrael hafi náð gulli fá þeir ekki að spila í deildinni fyrir ofan að ári þar sem henni var aflýst vegna stríðsins í Miðausturlöndum.

Samtímis er boðað til framhalds-aðalfundar sama kvöld, miðvikudaginn 29. apríl, kl. 20:30 þar sem hefðbundinni dagskrá aðalfundar verður fylgt og þá samkvæmt lögum félagsins eftir framangreindar lagabreytingar, hljóti þær samþykki félagsmanna.

Framboð til stjórnar skulu berast í síðasta lagi sunnudaginn 26. apríl til ritara stjórnar, Benediktu Kristjánsdóttur bgkristjansdottir@gmail.com

Kvennalið SR var endurvakið tímabilið 2020-2021 eftir samstarf Reykjavíkurliðanna þrjú tímabil þar á undan. Þar áður hafði verið starfandi kvennalið hjá SR frá árinu 2010 en aðeins náð að sigra einn leik á þeim tíma, árið 2016 í framlengingu. Það lagði þó grunninn að því sem síðar skyldi koma. Engin leikmaður er enn úr því liði en fjórir leikmenn sem spiluðu fyrsta tímabilið með endurvöktu kvennaliði SR 2020-2021 eru í Íslandsmeistaraliðinu í ár. Systurnar Arna og Bríet Friðjónsdóttir, Heiður Atladóttir og Friðrika Magnúsdóttir. Arna og Heiður eru líka æskuvinkonur og byrjuðu saman að æfa íshokkí. Friðrika Magnúsdóttir hafði aldur til að spila eftir áramót þetta upphafstímabil. Auk þeirra fjögurra var Andrea Bachmann í starfshópi liðsins núna en hún spilar í Svíþjóð þessi misserin.

Athyglisvert er að tveir leikmenn úr liði SR virðast hafa einstaklega gott lag á að næla sér í Íslandsmeistaratitla. Teresa Snorradóttir spilaði með Fjölni þrjú tímabil og vann titla seinni tvö en þar áður hafði hún unnið nokkra með SA. Berglind Leifsdóttir er svo með samfellda titlasögu í mörg tímabil. SR í ár, Fjölnir tvö síðustu tímabil og SA nokkur ár þar á undan – líklega 8 titlar í röð. Geri aðrir betur.

Þessi úrslit voru hnífjöfn og allir leikir sigruðust með minnsta mun og tveir fóru alla leið í framlengingu og vítakeppni.

Niðurstaða leikjanna var eftirfarandi
#1 | SA 1 – SR 0 | Akureyri
#2 | SR 1 – SA 1 | 2-1 eftir framlenging og vítakeppni | Reykjavík
#3 | SA 1 – SR 2 | Akureyri
#4 | SR 0 – SA 0 | 1-0 eftir framlenging og vítakeppni | Reykjavík

Mörk SR í rimmunni skoruðu
– Eleonor 1 mark
– Arna 1 mark
– Gunnborg 1 mark
– Friðrika 2 vítaskot og 1 stoðsending
– Ragnhildur 1 vítaskot
– Kristína Ngoc 1 stoðsending
– Brynja Þórarinsdóttir 1 stoðsending

Það má með sanni segja að þessi úrslit hafi verið einvígi milli sterkra varna og tveggja frábærra markvarða sem báðar eru kanadískar. Julianna endaði efst með 97.37% markvörslu og Shawlee rétt rúmu prósentustigi á eftir henni. Ótrúlegar tölur sem útskýra vel af hverju svona fá mörk voru skoruð í þessari rimmu. Varnarleikur SR var tekinn upp á næsta stig í úrslitum og náði að halda sterkri sókn SA algjörlega í skefjum öll úrslitin. SA skoraði að meðaltali tæplega fjögur mörk í hverjum leik í deildinni í vetur en skoraði aðeins þrjú mörk í fjórum leikjum úrslitanna.

Julianna, að öðrum ólöstuðum, var án efa besti leikmaður úrslitarimmunnar. Hún varði öll víti frá SA nema eitt í leikjunum tveimur þar sem vítakeppni þurfti til að skera úr um úrslit.

Ljósmynd og myndband: Bjarni Helgason

Þeir sem hafa hug á að bjóða sig fram til stjórnarsetu í Listhlaupadeildinni eru beðnir um að boða framboð sitt og senda póst á formadur.lsr@gmail.com fyrir 14. apríl.

Dagskrá fundarins:

1. Kosinn fundarstjóri og aðrir embættismenn fundarins
2. Lesin upp fundargerð síðasta aðalfundar deildarinnar
3. Lögð fram skýrsla stjórnar fyrir liðið starfsár
4. Lagðir fram endurskoðaðir reikningar til samþykktar
5. Kosning skoðunarmanna reikninga

6. Tillaga að breyting á lög varðandi stjórn

Kosning stjórnar 26/27 með tillit til samþykkt á lagabreytinga
a) formanns 2 ár
b) varaformaður 2 ár
c) gjaldkeri 2 ár
d) ritari 2 ár
b) 2 meðstjórnenda 1 ár
c) 2 varamanna 1 ár

7. Önnur mál

kveðja,
Stjórn LSR

The annual meeting for LSR will be held on Monday the 26th of May at 19:00.

Those who are interested in running for a board seat in the Figure Skating Club are asked to announce their candidacy and send an e-mail to skautastjori@gmail.com before the 26 th of May.

Agenda of the meeting:

1. Elected chairman of the meeting and other officials of the meeting.
2. Read out the meeting minutes of the last annual meeting.
3. Report submitted by the Board for the past operating year
4. Audited accounts submitted for approval
5. Election of auditors
6) Changes of articles of association
6. Election of the Board:
a) chairman
b) vice chairman
c) cashier
d) secretary
e) 2 co-managers
f) 2 alternates
7. Other issues
Yours,
Board of LSR