íshokkí – Skautafélag Reykjavíkur

U18 drengjalandsliðið í fjórða sæti í Istanbúl

Bjarni Helgason — Sun, 10 Mar 2024 20:21:17 +0000

Ísland endaði í fjórða sæti á HM U18, A riðils þriðju deildar, eftir tap gegn Belgum í lokaleik mótsins. Liðið spilaði vel og stóð í hárinu á andstæðingunum sem þegar höfðu sigrað mótið og tryggt sér sæti í deildinni fyrir ofan að ári.

Íslenska landsliðið stóð sig með prýði ef horft er til þess að þetta er næst-yngsta liðið á mótinu. Það eru aðeins sex leikmenn sem eru á síðasta ári í flokknum, fæddir 2006, og átta leikmenn sem enn tilheyra formlega U16. Aðeins Bosnía-Hersegóvína er með yngra lið en þeir eru á leiðinni niður um deild. Sigurlið mótsins, Belgía, er með 12 leikmenn á efsta ári og aðeins einn leikmann úr U16.

Á HM U18 að ári spilar liðið aftur gegn Mexíkó, Nýja-Sjálandi og Tyrklandi en í hópinn bætast Hong-Kong úr riðlinum fyrir neðan en hverjir koma niður er enn ekki vitað en það mót er í næstu viku á Spáni.

U18 drengjalandslið Íslands í Istanbúl Tyrklandi mars 2024

SR-ingarnir fjórir stóðu sig með afburðum vel á mótinu.

Helgi Bjarnason
Maður leiksins úr liði Íslands gegn Bosníu-Hersegóvínu
Markahæsti leikmaður Íslands með 7 mörk
4. sæti yfir markahæstu leikmenn mótsins

Haukur Steinsen
Maður leiksins úr liði Íslands gegn Belgíu
Efstur varnarmanna Íslands með fjórar stoðsendingar

Ýmir Hafliðason
Annar markahæsti leikmaður Íslands með 3 mörk
13. sæti yfir markahæstu leikmenn mótsins

Haraldur Nickel
Haraldur var varamarkvörður Íslands á þessu móti, en hann er aðeins 14 ára gamall og fyrsta árið sem hann er gjaldgengur í U18 landslið Íslands.
Hann spilaði síðustu 7 mínútur gegn Bosníu og hélt hreinu.

Þetta var síðasta U18 mót Hauks en Helgi, Ýmir og Haraldur eru allir ennþá í U16.

Í starfsliðinu voru einnig SR-ingarnir Bjarki Jóhannesson sjúkraþjálfari og Axel Orongan þjálfari.

Bjarki Jóhannesson sjúkraþjálfari, Haraldur Nickel, Haukur Steinsen, Helgi Bjarnason, Ýmir Hafliðason og Axel Orongan þjálfari

Helgi tekur við verðlaunum sem besti leikmaður Íslands í leik gegn Bosníu.

Haukur tekur við verðlaunum sem besti leikmaður Íslands gegn Belgíu.

Stelpur spila íshokkí á sunnudag – Global Girls Game

Bjarni Helgason — Fri, 15 Feb 2019 09:52:10 +0000

Skautafélag Reykjavíkur tekur þátt í Girls Global Game en það er íshokkíleikur kvenna spilaður um allan heim sömu helgi – hvítir á móti bláum.
Leikurinn fer fram í Skautahöllinni í Laugardal sunnudaginn 17. febrúar kl. 11.45-12.45.

Við hvetjum íshokkístelpur á öllum aldri til að koma og taka þátt í þessum frábæra viðburði. Að sjálfsögðu eru byrjendur hjartanlega velkomnir – allur búnaður á staðnum.

Leikmenn úr íslenska kvennalandsliðinu og meistaraflokki kvenna verða á staðnum – ekki missa af þessu frábæra tækifæri!

#globalgirlsgame2019 #globalgirlsgame #iihf #womenshockey

U14 gerði góða ferð til Akureyrar!

admin — Tue, 13 Nov 2018 16:17:25 +0000

Um nýliðna helgi fór U14 lið SR (4.flokkur) til Akureyrar að taka þátt í einu af Íslandsmótunum sem haldin eru fyrir þennan aldurshóp. Að vanda var gist í Skjaldarvík þar sem SR-ingar hafa gert sig heimkomna þar nyrðra. Lið SR var mjög ungt eða leikmenn á aldrinum 10 til 13 ára og var því við ofurefli að etja gegn SA og Birninum sem voru með eldri og reyndari leikmenn. En með nýjum þjálfara, Petr Kubos, og mikilli elju náðu strákarnir ásættanlegum úrslitum miðað við “aldur og fyrri störf”. Framtíðin er greinileg björt hjá þessum ungu leikmönnum og verður spennandi að fylgjast með þeim í framtíðinni.

12 nýir leikmenn til liðs við meistaraflokka SR

Bjarni Helgason — Thu, 06 Sep 2018 13:36:28 +0000

Við bjóðum hjartanlega velkomna nýja (og gamla) SR-inga í félagið!

Í meistaraflokki kvenna, Reykjavík (sameinaðs liðs SR og Bjarnarins) er nýr þjálfari frá Finnlandi, Jouni Sinikorpi. Nýir leikmenn hafa líka gengið til liðs við SR en það eru:
Guðlaug Ingibjörg Þorsteinsdóttir
Sigrún Agatha Árnadóttir

Í meistaraflokki karla tekur Daniel Kolar við þjálfun liðsins. Nýir leikmenn eru:
Alexey Yakovlev
Andri Freyr Sverrisson
Aron Knútsson
Egill Þormóðsson
Jón Andri Óskarsson
Konstantin Sharapov
Markús Maack
Nicolas Jouanne
Robbie Sigurdsson
Styrmir Steinn Maack.

Við erum ótrúlega spennt fyrir komandi tímabili með þessu öfluga fólki innanborðs.

Ársmiðar SR-íshokkí komnir í sölu

Bjarni Helgason — Thu, 06 Sep 2018 11:27:13 +0000

Ársmiðarnir eru komnir í sölu fyrir heimaleiki SR í Hertz-deildinni tímabilið 2018-2019. Það verða 8 heimaleikir spilaðir í Laugardalnum:

SR-Björninn þriðjudagur 2. október 19:45
SR-SA laugardagur 27. október 16:45
SR-Björninn föstudagur 2. nóvember 19:45
SR-SA þriðjudagur 27. nóvember 19:45
SR-Björninn þriðjudagur 4. desember 19:45
SR-Björninn þriðjudagur 22. janúar 19:45
SR-SA laugardagur 26. janúar 16:45
SR-SA þriðjudagur 5. mars 19:45

Ársmiðinn kostar einungis 6.000 kr. og er hægt að panta hér.
Áfram SR!

Ný æfingatafla íshokkídeildar

Bjarni Helgason — Mon, 27 Aug 2018 20:22:33 +0000

Æfingatafla vetrarins er er komin í loftið og eru æfingar samkvæmt henni nú þegar hafnar hjá íshokkídeild.

Einnig er búið að opna fyrir skráningu iðkenda í flokka. Hér má sjá æfingagjöld og flokkaskiptingu vetrarins.

Foreldrar eru vinsamlegast beðnir að sækja um aðgang að flokkasíðum þeirra barna á Facebook svo að þeir hafi aðgang að réttum upplýsingum varðandi æfingar, leiki, hópefli og annað.
2. flokkur
3. flokkur
4. flokkur
5. flokkur
6.7. flokkur

Hér er svo almenn upplýsingasíða allra yngri flokka.

Íshokkískóli SR byrjar á sunnudaginn

Bjarni Helgason — Mon, 27 Aug 2018 10:15:48 +0000

Íshokkískóli SR fer af stað næsta sunnudag 2. september kl. 12.00. Af því tilefni býður SR íshokkí í kaffi, heitt kakó og kleinur.

Eins og undanfarin ár sér Andri um Íshokkískóla SR en í vetur hefur honum borist góður liðsauki þar sem Gulla fyrrverandi yfirþjálfari hjá Birninum mun vera Andra innan handar.

Allar upplýsingar um Íshokkískóla SR má finna hér.

Myndir frá Melabúðarmótinu 2018

Bjarni Helgason — Sun, 13 May 2018 23:32:55 +0000

Hér er hægt að nálgast prentútgáfur af liðsmyndunum frá Melabúðarmótinu 2018.
Flestar myndirnar eru í 20×20 cm stærð fyrir utan tvær myndir (vegna fjölda liðsmanna) en þær eru í 15×20 cm stærð.

Krílaleikur með öllum liðum

Skautafélag Reykjavíkur
5. Ernir
6. Fálkar
6. Haukar
7. Smyrlar
7. Uglur

SA Víkingar
5. Víkingar
5. Ynjur
6. Mjölnir
6. Ynjur
6. Garpar
6. Jarlar
7. Nornir
7. Lurkar

Björninn
5. Björninn
5. Húnar
6. Ísbjörn
6. Skógarbjörn
7. Björninn

Melabúðarmótið hjá 5, 6 og 7.flokki um helgina

admin — Fri, 27 Apr 2018 22:02:56 +0000

Melabúðarmótið, síðasta 5.6.7. flokks íshokkímót vetrarins, verður haldið hjá Skautafélagi Reykjavíkur í Skautahöllinni Laugardal.

Mótið er búið að vera í undirbúningi hjá þjálfurum og foreldrafélaginu í einhvern tíma.

Nýjar treygjur voru afhentar í dag og eiga krakkarnir eftir að taka sig vel út í þeim í leikjum helgarinnar.

Við hvetjum alla til að skella sér í Laugardalinn og fylgjast með öllum þeim 160 krökkum sem munu taka þátt í mótinu.

Dagskráin er hér að neðan.

Velkominn heim Daniel Kolar

Bjarni Helgason — Sun, 22 Apr 2018 14:01:00 +0000

Varnarjaxlinn góðkunni frá Tékklandi, Daniel Kolar, hefur verið ráðinn þjálfari meistarflokks karla hjá Skautafélagi Reykjavíkur.

Daniel kom til Íslands árið 2007 og spilaði þá með SR. Árið 2012 söðlaði hann um yfir í Björninn og svo yfir í Esju árið 2015. Daniel hefur þrisvar sinnum hampað Íslandsmeistartitlinum, tvisvar með SR og einu sinni með Esju.
Hann var framkvæmdastjóri hjá SR ásamt því að þjálfa meistarflokk kvenna og yngri flokka. Hjá Birnunum þjálfaði hann einnig yngri flokkana ásamt því að hafa verið aðstoðarþjálfari U18 2011-2012.

Félagar hans úr íshokkíinu segja hann stóran og erfiðan andstæðing inn á svellinu, skotfastan og hittinn – en þess utan einstaklega ljúfan og hjálpsaman vin. Daniel er giftur Diljá Hreiðasdóttur og saman eiga þau soninn Jakob Mána.

Það eru spennandi tímar framundan hjá SR!