Nýr vefur skautafélagsins!

27/11/2015

Í dag hefur nýr vefur skautafélagsins litið dagsins ljós!  Gamli vefurinn hefur þjónað skautafélaginu vel í þau 10 ár sem hann hefur staðið vaktina.  Þegar farið var af stað í breyta merki félagsins árið 2014 var farið af stað í þá vinnu að undirbúa nýjan vef fyrir félagið með breyttri ásýnd og breyttum kröfum sem gerðar eru til vefja í dag.  Vefurinn er aðgengilegur á öllum helstu tækjum hvort sem um er að ræða venjulegar borðtölvur, snjallsíma eða spjaldtölvur.

Vefurinn var unnin í samstarfi aðila innan beggja deilda og mun deildirnar hvorar um sig hafa sína ritstjórn en vefurinn í heild sinni, rekstur og utanum hald, mun vera á forræði aðalstjórnar.

Efni gamla vefsins verður síðan gert aðgengilegt hér á þessum vef þegar fram líða stundir.  Þar verður hægt að finna margar skemmtilegar fréttir allt frá árinu 2001.

Á næstu vikum og mánuðum munu bætast við nýjir valmöguleikar inn á vefinn sem munu gera þennan vef skemmtilegri að heimsækja í framtíðinni.